16 July 2011
03:29 -
Қозоғистон Бош вазири Карим Масимов on-line режимида саволларга жавоб берди, ҳижобга қаршимаслигини билдирди
Савол-жавоб Zakon.kz информацион порталда ўтказилди, дейилади бу ҳақда тарқатилган расмий хабарда. Порталнинг Карим Масимов номи билан боғланган massimov.zakon.kz қисмига 2 мингдан ортиқ савол келган. Сайт ўқувчилари берган баҳога қараб, энг муҳим деб ҳисобланган 50 та савол танлаб олинган, бош вазир уларга жавоб берган. Табиий, саволларнинг кўпчилиги фақат маълум шахслар ёки фақат қозоғистонликлар учун қизиқарли. Бу тадбирнинг ўзбекистонликлар учун ҳайрон қолинадиган жойи – бундай нарсанинг Ўзбекистонда бўлиши мумкин эмаслиги. Бизда бош вазирнинг номи ҳатто хабарларда тилга олинмайди, ҳеч шубҳасиз, бу - Ислом Каримнинг буйруғи билан қилинади.
Дарвоқе, Карим Масимовга берилган саволлардан бири диний мавзуга оид бўлгани сабабли, у ўзбекларни ҳам қизиқтириши табиий. Унга ҳижобни тақиқлаш керакми, керакмасми маънода савол беришган экан, у “йўқ” деб жавоб берибди. У диний эркинликлар бор жойда бундай тақиқ ўринсиз эканлигини урғулаб, масалан, Францияда бу масала сиёсийлаштирилганини айтган.
