30 June 2011
02:15 -
Этник лидерлар Ҳамид Карзайга қарши бирлашмоқда, Абдурашид Дўстим қани?
АҚШнинг машҳур The Wall Street Journal газетасининг бугунги сонида “Этник лидерлар Ҳимид Карзайга қарши иттифоқ уюштирмоқда” номли мақола чоп этилган.Этник озинликлар, хусусан, ўзбек, ҳазарий ва тожиклар АҚШ Афғонистондан қўшинларини олиб кетишга тайёрланаётгани, айни замонда, Ҳамид Карзай америкаликлар ёрдамида Толибон кучлари билан музокаралар олиб бораётганидан хавотирга тушиб, ўзаро бирлашишга бошладилар. Маълумки, дейилади мақолада, тожикларнинг лидери Шоҳ Маъсуд ва ўзбекларнинг лидери Абдурашид Дўстим Толибонга қарши курашни АҚШ Ал-Қоида террористларининг ҳужумига учрамасдан олдин ҳам олиб борардилар. Минг афсуски, Шоҳ Маъсуд террор қурбони бўлди.
Газетадаги мақолада бирлашиш ўзбек, тожик ва ҳазарийлар ўртасида бўлгани айтилса ҳам, бу воқеа туфайли фақат ҳазарийларнинг лидери Ҳожи Муҳаммад Моҳақиқ ва тожиклар лидери Абдулло Абдуллоҳнинг номи тилга олинади. Абдурашид Дўстимнинг 2004 йил президент сайловида номзод бўлиб, сайловолди капанияси олиб борганини кўрсатувчи расм тарихий факт сифатидагина берилган.
Хўш, Абдурашид Дўстим қаерда, нега у бугун кўринмайди, деб савол беради “Ҳаракат” мухбири ва жавобни қисман бўлса ҳам 2010 йил 29 августдаги хабарга берилган шарҳимиздан олади. Уни диққатингизга ҳавола қиламиз.
“Ишонч билан айтиш мумкинки, Афғонистондаги ўзбек диаспораси ичида бирлик-баробарлик йўқлиги сабабли, Абдурашид Дўстимнинг мақеи мустаҳкам эмас. Бу ерда бошқа муҳим фактор ҳам бор. Ўзбекистон юрт ташқарисидаги ўзбекларни қўллаб-қувватлаш йўналишида сал кам ҳеч нарса қилмаяпти. Ҳозирги Ўзбекистон ҳукуматидан бундай нарсани кутиш қийин. Аммо миллатчи ва хатто демократик мухолифат ичида ҳам шундай кайфият таъсиридагилар борлиги ўзбек миллатининг келажаги учун ваҳималидир.
Масалан, Тожикистондаги ўзбеклар ичида Маҳмуд Худайбердиев каби лидер чиққанда, Ўзбекистонда ўзбек миллатчилигига даъво қилаётган Салой Мадамин, Толиб Ёқуб, Ёдгор Обид каби ифлослар тожик махсус хизматларининг, сайтимизда тожикнинг ити деб номланган Юсуф Расул кабиларнинг ноғарасига ўйнаб, айнан Маҳмуд Худайбердиевни ёмон отлиққа чиқариш учун кўп уриниб келаётганлари ўзбеклар учун сабоқ бўлиши керак.
Миллат ўзини ўз ичидан чиққан хоин ва ифлослардан тозалолмас экан, миллат бўлолмайди.”
Бунга қўшимча қилиш керакки, Абдурашид Дўстим ҳам ўз вақтида хоинлик қурбони бўлган, ўша ўзбек хоинлари Мозори Шарифни толибларга бўшатиб беришганда, Абдурашид Дўстимнинг Туркияга қочишдан бошқа йўли қолмаганди.
Тўппа-тўғри, миллат ўзини ўз ичидан чиққан хоин ва ифлослардан тозалолмас экан, миллат бўлолмайди.
