23 March 2011
21:12 -
Олий Мажлиснинг Сенати бешинчи ялпи мажлисини ўтказмоқчи, ваҳоланки, у доимий ишлайдиган органдир
Мамлакатимизнинг расмий ахборот воситалари Олий Мажлис Сенатининг бешинчи ялпи мажлиси шу йил 25 март куни эрталаб соат 10.00 да Тошкент шаҳрида, Ўзбекистон Республикаси Олий Мажлиси Сенатининг мажлислар залида очилишини эълон қилдилар. Ҳеч ким эътибор бермайдиган, расмиятчилик учун тарқатилган хабар бу.Амма, кўпчилик эътибор ҳам бермайдиган факт шундан иборатки, мамлакат конституциясига кўра, парламент, демак, унинг юқори палатаси бўлмиш Сенат ҳам, доимий равишда ишлайдиган органдир. Унинг вақти-вақти билан ўтказиладиган ялпи мажлислари бўлмаслиги керак. Бутун демократик дунёда қабул қилинганидек, парламент ёзги таътилдан кейин, кейинги таътилгача, баъзи танаффуслар билан доимий ишлаши шарт.
Ўзбекистон парламенти мамлакат Конституцияни бузишни тўхтатмас экан, мамлакатимизда демократик ислоҳотларни чуқурлаштириш концепцияси қоғозда қолаверади.
