29 May 2006
03:00 - 22:30 - Масхарабозлар масхарабозликларини ўзларича “тузатиш” йўлидалар 21:00 - АҚШда яшаётган “Эрк”чининг ўғли автоҳалокатга учраб, ҳаётини қайб этди
22:30 - Масхарабозлар масхарабозликларини ўзларича “тузатиш” йўлидалар

27 май хабарларимизда Ўзбекистонда ҳокимият органларининг, мухолифатда эса “Эрк” партияси Отаназар Орипов гуруҳининг масхарабозликлари ҳақида хабарлар бергандик. Кўринишдан уларнинг иккаласи ҳам типирчилаб қолишган.

Хабаримиз шанба куни, яъни ҳокимият муассасаларида дам олиш куни берилганди. Шундай бўлса ҳам, кўп ўтмасдан Ўзбекистон Марказий Сайлов Комиссиясининг расмий сайтида биз устидан кулганимз ўзбек саҳифаси бекитиб кўйилди. У бечоралар кечани кундуз демай ўзбекчани биладиган одамларни ҳам ишга солиб, мамлакатнинг асосий қонуни бўлмиш Конституцияни ўзбекчага таржима қилиш ва уни сайтга қўйиш билан овора бўлсалар керак.

Бечара “Эрк”чиларнинг иши оғирроқ. Улар Ўзбекистон қонунларини билмайдиган даражада сиёсий саводсиз эканликларини дарҳол тан олишни истамасликлари маълум эди. Лекин бошқа йўллари йўқ. Ҳозирча улар электрон почта орқали турли хатлар тарқатиб, қонунларга тупуриш каби мардлик қилишдан қўрқмасликларини билдирмоқдалар.

21:00 - АҚШда яшаётган “Эрк”чининг ўғли автоҳалокатга учраб, ҳаётини қайб этди

Кеча кечга яқин бир неча йилдан бери сиёсий қочқин мақоми билан АҚШда яшаётган “Эрк” партияси Самарқанд вилоят бўлими раиси Сулаймон Муроднинг 41 ёшли ўғли Ғайрат Мурод Филадельфия шаҳри яқинида автоҳалокат натижасида фожиявий шаклда ҳалок бўлди. Оилали, икки фарзандли, асл касби хирург бўлган Ғайрат Мурод Ўзбекистонда отасининг сиёсий фаолияти туфайли бутун оилага нисбатан ўтказилган тазйиқлар дастидан АҚШга кўчиб келган эди. Сулаймон Мурод ўз оиласи, ҳамма фарзандлари ва уларнинг оилалари билан Филадельфия шаҳри атрофида яшамоқда..

Ғайратни Оллоҳ раҳмат айласин.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону