20 September 2010
21:33 -
Ўзбекистонга тайинланадиган элчининг номзоди АҚШ Сенатига тақдим этилди
Табиий, тақдим этган одам – АҚШ президенти Барак Обама, номзод эса, 3 июлдаги хабарларимизда номи тилга олинган Жорж Крол.Эслатиб ўтиш керакки, Жорж Крол АҚШ Давлат Департаменти Жанубий ва Марказий Осиё бўлими раҳбарининг ўринбосари (у Давлат Котиби ёрдамчисининг ўринбосари мақомига ҳам эга). Аввалгиларини билмаймизку, аммо бу дипломатнинг бизнинг сайтимизда ҳам ёритилган биринчи Ўзбекистон ташрифи 2009 йил 17 ноябрда юз берган. У шу йил 25 майда Қирғизистонга ҳам келиб кетган эди.
Жорж Крол 2003-2006 йиллари АҚШнинг Белорусиядаги элчиси эди, у турли йилларда турли лавозимларда АҚШнинг Москва, Киев, Варшава ва Нью-Делидаги элчихоналарида ҳам ишлаган.
Бизга келадиган янги элчининг Белорусиядаги тажрибаси Ўзбекистондаги диктатура билан ишлаш пайтида фойдали бўлса керак. Нима бўлганда ҳам, бундай юксак лавозимдаги дипломатнинг Тошкентга юборилиши АҚШ Ўзбекистон билан жиддий шуғулланмоқчи эканлигини кўрсатади.
