03 July 2010
13:17 -
АҚШ элчиси Ричард Норланд мамлакатимизни тарк этмоқда, ўрнига Жорж Крол келади
АҚШнинг Ўзбекистондаги дипломатик миссияси раҳбари Ричард Норланднинг мамлакатимиздаги фаолияти ниҳоясига етди. АҚШ Миллий Хавфсизлик кенгаши, АҚШнинг Афғонистондаги миссиясида юқори лавозимларда хизмат қилган Ричард Норланд 2007 йили мамлакатимизга келган, Андижон фожеалаларидан сўнг деярли нолга тушиб қолган АҚШ-Ўзбекистон муносабатларининг илиқлашувида етакчи роль ўйнаган шахс эди. Тошкентдаги дипломатик фаолиятини муваффақиятли ўтказган Норланд Вашингтонга юқори мартабали лавозимга тайинланган. У 6 июль куни Тошкентдан кетади.АҚШ Давлат Департаменти томонидан мамлакатимизга Давлат Котибининг Жанубий ва Марказий Осиё бўйича ёрдамчиси Роберт Блейкнинг ўринбосари Жорж Крол элчи сифатида юборилмоқда. Ўтган йили 17-18 ноябрь кунлари Тошкентга келиб кетган Кролнинг мамлакатимизда қачон фаолият бошлаши номаълум. Аммо, бундай юксак лавозимдаги дипломатнинг Тошкентга юборилиши диққатга сазовор воқеа.
