16 September 2010
08:07 - Жалолободлик ўзбек ҳуқуқ ҳимоячиси Азимжон Асқаров қирғизлар тарафидан бир умрга қамалди, у ҳам Ўзбекистон режимининг қурбонидир
9 сентябрдаги хабарларимиздан маълумки, Қирғизистоннинг Ўш ва Жалолобод вилоятларида июнь ойида юз берган зўравонликлар вақтида бир қирғиз йигитини ўлдиришда айбланган 42 ёшли ўзбек миллатига мансуб қарасувлик Жаҳонгир Бозоров 23 йиллик қамоқ жазосига маҳкум этилиб, асосан бегуноҳ ўзбекларнинг ўлимига сабаб бўлган ҳодисалар юзасидан биринчи маҳкама қурбони бўлган ўзбек эди.

Кеча иккинчи қурбоннинг ҳам исми маълум бўлди. Қирғизистондаги эътиборга лойиқ ахборот агентликларидан фақатгина АКИпресс тарафидан билдирилишича, бу – ўзбек ҳуқуқ ҳимоячиси Азимжон Асқаровдир. Унга, Жаҳонгир Бозоровдан фарқли ўлароқ, бир умр қамоқ жазоси берилибди.

Бу хабарнинг тафсилотлари ҳеч кимни қизиқтирмаса керак. Чунки, сайтимиз мухбирларининг “энди қирғизлар ўзбекларни махсус хизматларнинг ертўларида ва маҳкамаларда қирғин қиладилар” деган башоратлари тўғри чиқмоқда, холос.

Ўзбекистгондаги мажуд ҳокимият ўзбек миллатга хиёнат қилиб, ўзбекларни ҳимоя қилмаётганидан руҳланган қирғиз фашистлари бугун нимани истасалар шуни қилоладилар. Ўзбекистонда режим ўзгаргандан кейингина қирғиз экстремистларини жойига ўтқазиб қўйиш вақти келади.

Алабатта, бундай вақт келади. Бугун эса, мамлакатларидаги режим туфайли ўзбеклар ўз-ўзини ҳам ҳимоя қилишга қодир эмаслар. Шундай экан, Жаҳонгир Бозоров ва Азимжон Асқаровлар Ўзбекистондаги режимининг навбатдаги қурбонларидир, дейишга тўла ҳақлимиз.
Cсылки по теме:
Ҳуқуқ ҳимоячиси Азимжон Асқаровни АҚШ элчиси зиёрат қилди, Ўзбекистоннинг элчиси қаерда?
Қирғизистонлик ўзбек ҳуқуқ ҳимоячисига берилган умрбод қамоқ жазоси Олий Суд тарафидан тасдиқланди
Қирғизистонлик ўзбек ҳимоячиси Азимжон Асқаровнинг иши Олий Судда кўрилади
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону