09 September 2010
23:43 - Владикавказда террористик актда 16 киши ўлди, 123 ярадор бор
Россия оммовий ахборот воситаларининг бугунги асосий мавзуси - Шимолий Кавказдаги янги террористик акт. Шимолий Осетиянинг пойтахти Владикавказнинг марказий бозорида ўлимчи-террорист бомбали автомобилини портлатиши натижасида 16 киши ҳалок бўлди, 123 киши ярадор бўлган. Ярадорларнинг ичида ўлим тўшагида ётганлар бор.

Дастлабки, маълумотларга кўра, бу автомобил портлашдан ярим соат аввал қўшни Ингушетиядан келган экан. Унинг ҳайдовчиси, исми фамилиясига қараганда ингуш, демак, мусулмон.

Маълумки, ингушларнинг бир қисми Шимолий Осетия ҳудудининг бир бўлаги ўзларига тегишли эканлигини айтиб, мавжуд чегараларни тан олишмайди. Бу портлатишдан мақсад – икки республика ўртасида чегара муаммоси борлигини эслатиб қўйиш бўлса керак. Эслатиш йўли эса, минг афсуски, исломий усул сифатидан танилиб бораётган террористик акт.

Шубҳа йўқки, бу теракт дунё мусулмонларининг шундоқ ҳам паст бўлган обрўсини яна ҳам туширади, ва охир-оқибатда, АҚШнинг Флорида штатида “Қуръонни ёқиш куни” ўтказмоқчи бўлган экстремист насроний руҳоний кабиларнинг фойдасига ишлайди.
Cсылки по теме:
Афғонистонда бекорга қон тўкилмоқда, Ислом уламолари суст, уят уларга
Мозори Шарифда жоҳил мусулмонлар БМТнинг 8 нафар вакилини ўлдириб, икки кишининг бошини танасидан жудо қилдилар
В Теннесси два пастора сожгли издания Корана
Абдураҳим Пўлат: Қуръон муқаддас, аммо унинг турли йўллар билан қилинган ҳар бир нусҳаси муқаддас бўлолмайди
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону