28 June 2010
06:59 - Қирғизча “демократия”нинг ғалабаси
Марказий Сайлов Комиссияси маҳаллий вақт билан кеча соат 24 гача 2319 сайлов участкасидан 965 тасида референдум натижалари маълум бўлганини эълон қилди. Уларга кўра, референдум қатнашчиларининг сал кам 90 фоизи берилган саволга “ҳа” деб жавоб берибди.

Референдумдаги ягона савол аслида икки саволдан иборат эди. Биринчи савол янги Конституцияни қабул қилиш ҳақида. Аммо, иккинчи савол шундай тузилганки, уни биронта оддий қирғиз тушунмагани ўз-ўзидан маълум. Айнан саволнинг иккинчи қисмида Роза Отунбоеванинг 2012 йил 1 январгача президент этиб тайинланиши, ҳозирги ҳукумат легитимлаштирилиши назарда тутилган, лекин бу нарса очиқча ёзилмаган.


Референдумда овоз бериш ҳаққига эга бўлган одамларнинг 69,47 фоизи қатнашибди, жумладан, Ўшда 58,94 ва Жалолободда 59,93 фоиз. Кечагина қирғинбарот уруш бўлган ва аҳолининг тахминан 1 миллиони ўз уй-жойидан қочган бу вилоятларда шунча одам референдумда қатнашганига Вақтли ҳукуматдагилардан ташқари ҳеч ким ишонмаслиги аниқ.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону