12 June 2010
07:54 - Ўшлик ўзбеклар Россия ҳукумати биноси олдида митинг қилишди, энди Ўзбекистон ҳукуматини уйғотиш керак
Русларнинг Интерфакс агентлигини хабарига кўра, кеча Москва марказида йиғилган 30-50 кишидан иборат Ўшлик ўзбеклар гуруҳи аввал Қирғизистоннинг элчихонаси олдига юриш қилди, у ердан Россия ҳукумати биносининг олдига келди. Митингчилар қўлида ҳеч қандай плакат бўлмаган, бақириқ-чақириқ қилишмаган, Россия ҳукуматини Ўшдаги воқеаларга аралашиб, қон тўкилишини тўхтатишга эришишга чақиришган.

Митинг нима билан тамом бўлгани хабарда айтилмайди. Муҳим бўлгани, ўзбеклар ўз борликларини кўрсатишди. Аслида, улар бундай талабни Ўзбекистон ҳукумати олдига қўйишлари керак эди. Балки, митингчилар Тошкентдаги мавжуд ҳукумат ўзбек миллатининг дарди билан иши йўқлигини тушунишар.

Ҳозир ўзбеклар ҳамма ерда уюшишлари ва Ўзбекистон ҳукуматидан Қирғизистондаги воқеаларга аралашишни ва қон тўкилишини тўхтатишни талаб қилишлари керак. Бизнинг сайтимизда айтилганидек, энг самарали йўл – ўзбек армияси Қирғизистоннинг жанубий минтақаларига кириши ва назоратни қўлга олишидир. Бишкекда қонуний давлат структуралари тиклангандан кейингина, ўзбек армиясини олиб чиқиш масаласи кун тартибига келиши мумкин, дейди мухбиримиз.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону