29 April 2010
19:18 -
Ўзбек киноматографиясининг афсонавий намоёндаси Малик Қаюм 100 ёшда вафот этди
Онасининг хотираларига асосланиб, 1911 йилнинг баҳорида туғилгани айтиладиган ўзбек кионоператори Малик Қаюм бугун Москвада оламдан ўтди. ИТАР-ТАСС агентлиги Россия Киномотографистлар Уюшмаси котиби Клим Лавретьевнинг “ҳужжатли кино устасининг ҳаётдан кетиши бизнинг бутун документалистикамиз учун ўрнини тўлатиб бўлмайдиган йўқотишдир” деган сўзларини ҳозиргина тарқатилган хабарида келтиради.Малик Қаюм ўзбек ҳужжатли киносинининг туғилишида асосий роль ўйнаган, Улуғ ватан уруши йиллари кинокамера билан Москва остоналаридан Берлингача борган, бу уруш бошланишидан бир неча кун аввал Самарқандда Амир Темурнинг гўри очилишида қатнашган одам. Яъни, у ҳар томонлама афсонавий шахс. Бунинг устига ўз ишининг устаси, буюк санъаткор.
Хабарда айтилишича, охирги ўн йилликларда Москвада яшаган Малик Қаюмнинг жасади Ўзбекистонга олиб келинади ва эртага ўз ватанида тупроққа берилади.
Марҳумнинг тупроғи енгил бўлсин!
