27 April 2010
07:27 - Боксчимиз Красноярскда бошқа боксчилар устидан ғалаба қозонди, аммо сиёсатчи-боксчимиз Кремлда ютқазди?
Ўрис матбуотида пайдо бўлган хабарларда Красноярскда профессионал бокс бўйича оғир вазн тоифасида ўтказилган мусобақада ҳамюртимиз Аҳрор Муралимов россиялик Юрия Горбенкони қулатиб, мусобақа ғолиби бўлибди. Муштлашув билимдонлари Челябинск шаҳрида профессионал бокс бўйича шу йилнинг 6 апрелида ўтказилган жангда илк марта рингга кўтарилган Аҳрорнинг натижасини жуда юқори баҳолашмоқда.

Бироқ 19-20 апрель кунлари Кремлдаги рингда Владимир Путин ва унинг қўғирчоғи Медведов билан курашган бош боксчимизнинг, табиий, Ислом Каримни назарда тутмоқдамиз, шашти пастлигидан кўпгина сиёсий масалаларда имкониятни бой бергани кўринмоқда. Ҳар ҳолда оқ пошшо билан учрашувлардан сўнг ТВда бош боксчимиз ҳомуш қиёфада намоён бўляпти.

Ҳар бир ўзбек, профессионал бокс соҳасида ҳам, сиёсий бокс соҳасида ҳам, эплай оладиган ишига қўл ургани яхши. Аҳрор Муралимов каби.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону