21 April 2010
21:49 - Абдураҳим Пўлатнинг башорати яна тўғри чиқди: Боқиев истеъфо аризасини тан олмади
17 апрелдаги хабарларимиздан бирида “Бирлик” Партияси раиси Абдураҳим Пўлатнинг мухбиримизга айтган қуйидаги сўзлари берилган эди: “Демак, Қирғизистондаги воқеаларни давлат тўнтариши сифатида кўриш давом этади. Қурмонбек Боқиев мамлакатнинг қонуний президенти бўлиб қолаверади. Қолаверса, Боқиев истаган пайтида бундай ариза ёзмаганини айтиши учун етралича асослар бор.”

Орадан 4 кун ўтар-ўтмас, бу башорат тўғри бўлиб чиқди.

Русларнинг давлат ахборот агентлиги ИТАР-ТАССнинг хабарига кўра, ҳозир Минскда расман президент Лукашенконинг меҳмони, феълан эса, қочқин сифатида турган Қурмонбек Боқиев матбуот конференцияси ўтказиб, ўзининг ҳали ҳам Қирғизистон президенти эканлигини урғулабди ва шундай дебди: “Мен истеъфоимни тан олмайман. Мени президентликдан воз кечтирадиган куч йўқ. Фақат ўлим мени тўхтатолади. Қирғизистон ҳеч кимнинг мустамлакаси бўлмайди. У демократик давлат яратиш йўлида кетишни давом эттиради”.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону