21 April 2010
21:08 - Польшада президент сайлови 20 июнда бўлади
Бугун бу мамлакат президенти вазифасини вақтинча бажарувчи Бронислав Комаровский президент сайловини 20 июнга тайинлади, деб хабар беради Reuters агентлиги. Маълумки, аввалги президент Лех Качинский турмуш ўртоғи ҳамда 100 га яқин Польшанинг юқори лавозимли мулозимлари билан биргаликда Смоленскдаги авиҳалокатда ўлган.

Бронислав Комаровскийнинг ўзи ҳам 20 июндаги сайловда президентликка номзод бўлиши ва сайловни осонликча ютиши кутилмоқда. Масалан, 19 апрелда ўтказилган сўровнома натижаларига кўра, агар сайловда Бронислав Комаровский ва Лех Качинскийкининг эгизак укаси, собиқ Бош вазир Ярослав Качинский иштирок этса, Бронислав Комаровский 55, Ярослав Качинский 32 фоиз овоз олади.

Бронислав Комаровский шу пайтгача Лех Качинскийга мухолифатда бўлган Фуқаролар Партиясининг аъзоси. Бу партия лидери, жорийдаги Бош вазир Дональд Туск келажакда бўладиган президент сайловида Лех Качинскийга рақиб бўлиши аввалдан айтиларди. Лех Качинскийнинг фожеавий ўлимидан кейин вазият ўзгарди. Энди сайловда бу партиядан Бронислав Комаровский президентликка номзод қилиб кўрсатилиши мумкин. Агар у ғолиб чиқса, мамлакатнинг энг катта икки лавозими бу партия қўлига бўлади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону