30 December 2009
03:12 - Ўзбек халқига янги йил совғаси: бензин нархи яна ошади
Яна икки кундан сўнг мамлакатимизда бензин ва дизель ёқилғиси нархи яна ошади. Боиси Ўзбекистон Республикаси Президентининг 2010 йил макроиқтисодий параметрларни тасдиқлаш ҳақидаги қарорида бензин ва дизель ёқилғиси учун истеъмолчилардан ундирилиши лозим бўлган солиқ ставкалари 120 сўмдан 145 сўмга оширилиши ҳақида айтилган. Бу қарор ҳақида ёзаётган маҳаллий матбуот солиқ оширилишини таъкидлаган, лекин нарх ошиши ҳақида лом-мим демаяпти.

Солиқ ставкаларининг амалда бензин нархига қўшиб ҳисобланишини назарда тутсак, литри 1040 сўм бўлган Аи-80 бензини 1065 сўмга чиқади. Бу дегани транспорт билан боғлиқ барча турдаги харажатлар яна ортади. Сайлов спектаклида ўз ролини ажойиб ўйнаб берган халқ яна бир марта алданганини сайловдан бир ҳафта ҳам ўтмасдан амалда кўради.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону