27 December 2009
02:24 - “Ҳаракат” хатқутисидан: “Ҳар томонлама қулай раис ва қулой прокурор...”
Бу йил Сурхондарёда пахта терими ва уни қабул тадбирлари тўқсон кундан кўпроқ давом этди: ҳосил шу даражада кўп эдики, кун бўйи терилган пахтани тонг отиб, кун чиққунча ҳам қабул пунктларига топширишга улгуришмади. Шунинг учун пахта қабул қилувчилар кучайтирилган режимда-кун ботгандан тонг отгунча киприк қоқмасдан меҳнат қилишди. Аммо улар бундай бундай жонбозлик учун ҳеч кимдан «раҳматнома» эшитганлари йўқ. Баъзи ҳуқуқ-тартибот идоралари пахта тайёрловчиларнинг тунги меҳнатидан шубҳаланишгачабориб етишди. Масалан мавсумнинг қайнаган кунларидан бирида Узун пахта тозалаш заводи директорининг хусусий «Нексия»сини туман прокуратурасига таклиф қилишиб, ичини кўздан кечиришган эди. У ердан 600 000 сўм пул чиқди. Табиийки :

“- Бу ... қандай пул?” - деди прпокурор.
- Бу...менинг ойлигим иш ҳақим, - деди машинани ҳайдаб келган Садриддин.
- Машина шахсий бўлса, бунинг устига у сизники эмас...
- Машина раисники, мен оғзаки шартнома билан шофер бўлиб ўтганман. Бу-бир ҳафталик иш ҳақим. Ҳафтасига олти юз минг сўмдан договор бўлган.
- Бундан чиқди бир ойлигингиз уч миллион сўм эканда?
- Раис менга уч ой давомида, яъни пахта қабул қилиш тугагунча ана шундай иш ҳақи беради?
- Нега доим эмас?
- Чунки, мен бу даврда Раисга телехлик ҳам қиламан.
- Сизнинг бу гапларингизни раис ҳам тасдиқлайдими? Чунки, биздаги маълумотларга қараганда машинадан чиққан олти юз минг сўм Сизга заводдан пахта сотиб олиш учун фермер берган. Бунга нима дейсиз?
- Мен бу пулни шахсан раиснинг қўлидан санаб олганман.

Табиийки, шундан сўнг бу ғаройиб суҳбатга Абдулла Омонов таклиф қилинди.

- Машина кимники? - деди прокурор.
- Меники, - деди Раис.
- Шоферчи?
- Меники.
- Машинадан олти юз минг сўм пул чиқди. Кимники?
- Шоферга мен берганман. Ойлиги.
- Нега бунча...кўп?
- Машинанинг ҳам шофернинг ҳам пулнинг ҳам заводга алоқаси йўқ. Менинг шахсий мулкимга эса ҳеч ким хўжайин эмас.
- Шунчалик пулингиз кўпми?
- Камлик қилса... топамиз. Ҳозир бой бўлиш таъқиқланмаган.
- Шоферни алмаштириш ниятингиз йўқми?
- Нима эди?
- Айтаман-да.
- Одам борми?
- Бор.
- Ким?
- Ўзим.
- Бунинг учун шоферни алмаштириш шарт эмас. Садриддин сизнинг номингидан менга шоферлик қилади. Бунинг учун Садрига неча сўм беришни ўзингиз ҳал қиласиз.

Прокурор раиснинг топқирлигига қойил қолди. Абдулла Омонов ҳам «Ҳар томонлама қулай прокурор экан, бундай одамлар билан гаплашса бўлади!» деди ичида.

Шариф Алиев
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону