15 December 2009
02:53 - Сайлов сукунатини бузган Комила Содиқова билан шуғулланишмоқда
Бир қанча оммавий ахборот воситаларига Ўзбекистондаги Парламент сайлови қинғирликларини сўзлаб берган ҳуқуқшунос Комила Содиқова билан тегишли хуфя органлар шуғуллана бошлашган. Бу ҳақда мухбиримизга маълум қилган Комиланинг ўзи у хизмат қиладиган Ўзбекистон Фанлар Академиясидан унинг шахсий ҳужжатларини олиб кетилганини айтди. Академия педагоглари орасида ваҳима ясаган бу ҳодиса нима билан тугаши номаълум.

Ўзбекистон инсон ҳуқуқлари “Эзгулик” жамияти ўз номзодини Парламент депутатлигига қўймоқчи бўлган КомиланингТадбиркорлар ва ишбилармонлар ҳаракати — Ўзбекистон либерал-демократик партияси раиси Муҳаммадюсуф Тешабоев билан суҳбатини эълон қилгач, партия лидери унинг уйига дарҳол одам юборган. Унга партия раисининг тутуриқсиз жавоб хатини тутқазиб, унга пўписа қилиб кетишган.

Эслатиб ўтамиз, Ўзбекистон Фанлар Академияси тадқиқотчиси Комила Содиқова либерал-демократик партия орқали ўз номзодини Парламент сайловларини синаб кўриш учун партия раисига мурожаат қилган. Партия раиси Парламентнинг рўйхати бир йил аввал тузилганини айтиб, унинг устидан кулган. Комиланинг Ўзбекистон Марказий сайлов комиссияси ва бошқа органларга юборган шикоят ва телеграммаларига ҳануз жавоб йўқ.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону