16 September 2009
02:35 - АҚШ Марказий Банкининг раҳбари рецессия битганини тасдиқлади
Бу мамлактда марказий банк ролини бажарувчи Федерал Резерв Системасининг раҳабри Бен Бернанке катта эҳтимоллик билан АҚШда рецессия, яъни иқтисодда ўсиш бўлмаган даврнинг битганини тасдиқлади. Лекин яна бир муддат иқтисод кучсизлигича қолади, деб қўшимча қилибди у АҚШда молиявий-иқтисодий жараёнларни кузатиб борувчи эанг машҳур Bloomberg ташкилотининг хабарига.

Айни замонда, дейди у, иқтисод кучли бўлмагани сабабли, ишсизлик даражасини ҳам тезда тушириш мумкин эмас. Reuters агентлигининг мухбири Бен Бернанкенинг сўзларини шарҳлар экан, мутахассислар 2010 йилда АҚШ иқтисодида 2,5 фоиз ўсиш кутишаётганини урғулайди.

АҚШнинг расмий статистик ташкилотлари сўнги ойларда ишсизлик даражасининг ортиши камайганини ҳам катта ғалаба сифатида тақдим этмоқдалар.

Агентликнинг хабаридан маълум бўлишича, Бен Бернанке бу сўзларини Нью-Йоркда жойлашган Брукингс Институтида (Brookings Institution) ўтган йили машҳур Lehman Brothers компаниясининг чўкишига бир йил тўлиши муносабати билан ўтказилган конференцияда айтибди.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону