14 September 2009
10:00 - Венесуэла президентининг аҳмоқлиги ҳаммага ўрнак бўлиши керак
Кеча бу мамлактнинг президенти, тўғрироғи, диктатори Уго Чавес ҳаво ҳужумларига қарши мудофаа системаси яратиш режаларини очиқлади, дейилади Чавесга хайрихоҳлик қилувчи русларнинг ИТАР-ТАСС агентлиги тарқатган хабарда. Бу системага русларнинг С-300, Бук-М2, Печера ракеталари кирар эмиш.

Савол туғилади: Венесуэла кимдан ёки кимлардан ўзини муҳофаза этмоқчи, қайси мамлакат унга қарши ҳаво ҳужумлари уюштириши мумкин? Бу саволларга ҳеч қандай жавоб йўқ. Аммо, Уго Чавес америкаликларнинг ҳужумидан сақланиш ниятида эканлигини рус сайтларида гапирмоқда. Шундай экан, бошқа саволлар туғилади: АҚШнинг Венесуэлага ҳужум қилишдан бошқа иши йўқми? Унга ҳужум қилишнинг нима кераги бор, қолаверса, Венесэланинг кимга кераги бор ўзи?

Табиий, ҳеч ким Венесуэлага ҳужум ҳам қилмоқчи эмас, чунки, унинг на дунёда на Америка қитъасида ҳеч қандай муҳим роли йўқ, ҳеч кимга кераги ҳам йўқ.

Бизни қизиқтирадиган нарса Венесуэла ва ўзининг борлигини рус ахборот воситалари орқали кўрсатиб турадиган унинг диктатори Уго Чавес ҳам эмас. Бизни қизиқтирадиган нарса - ўзбек мухолифати ичида ҳам Чавес каби ўзининг борлигини кўрсатиб туришдан бошқа нарсани билмайдиган мухолифат гуруҳларининг борлиги.

Бир неча йил аввал сайтимиз тарафидан кулгилар билан тилга олинган Қуёшли Ўзбекистон коалицияси, Демократик Ўзбекистон Конгресси ёки шу кунларда масхарабозлик билан шуғулланаётган “Бирдамлик” ҳаракати - буларнинг мисолидир.

Тўғри ўртада бир фарқ бор, Чавес дунё миқёсидаги масхарабоз, бизникилар эса ўзбекча сайтлардан ташқарига чиқолмайдиган масхарабозлар. Ҳозир бошқа савол ҳам туғилмоқда – қани энди ўша масхарабозлар?
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону