14 September 2009
02:46 -
Украиналик вазирнинг эътирофлари ўзбек мухолифатчиларига ҳам ўрнак бўлсин
Украина Ички ишлар вазири Юрий Луценко Киевдаги телеканаллардан биридаги “Зодагонлар ҳаёти” (русчаси – “Светская жизнь”, таржимамиз унчалик тўғри эмаслигини ҳам тушунамиз. – “Ҳаракат) эшиттиришида қатнашиб, бу йил ёзда хотинининг ҳисобидан Италияда дам олганини айтибди. Албатта, дам олиш хотини ҳисобига бўлганини ярим ҳазил сифатида қабул қилиш керакдир.Ўзиннинг ярим ҳазилига ўхшаш журналистнинг ярим прововкацион бир саволга эса у шундай жавоб берган: “Ҳар бир нормал эркак каби ичаман ва сўкинаман, баъзида ҳатто уларни суиистеъмол қиламан.” Бу ерда ҳам ярим ҳазил бор бўлса керак.
Луценко яқинда Германиянинг Франфуркт шаҳар аэропортида маст ҳолда бир жанжалга аралашиб қолган ва ундан зўрға қутилганди. Мана энди ярим ҳазил ҳолда бўлса ҳам шу айбини тан олмоқда ва буни эркаклиги билан оқламоқда. Бундай шаклда бўлса ҳам тан олиш – унинг ростдан ҳам эркаклигининг далолатидир.
Ўзбек мухолифати ичида шу каби шармандаларча иш қилиб қўйган (лекин Луценкодан фарқли ўлароқ, хатоси билан мухолифатга қаттиқ зарбалар берган) одамлар ҳам қилган ишлари, энг юмшоқ шаклда айтсак, хато эканлигини тан олишлари ва ҳаммадан узр сўрашлари керак.
Масалан, бир нечта мисол. Қуйидагилар санаб ўтилган ишларининг хато бўлганини тан олишлари ва ҳаммадан кечирим сўрашлари керак.
Салой Мадамин – Ислом Каримдан бир депутатлик мандати ва укаларига 53-54 сонли квартиралар олиб бериш учун мухолифатга хиёнат қилгани, унинг митингларини “кўча чангитиш” деб баҳолагани ва мухолифатни парчалаш ишига бошчилик қилганини.
Жаҳонгир Муҳаммад – 1991 йил 30 сентябрдаги Ўзбекистон Олий Кенгаши мажлисида Ислом Каримни қаттиқ танқид қилиб, бир ҳафтадан кейин, президент маслаҳатчиси бўлиб қолгач, ЎзТВнинг биринчи программаси орқали: “Мен Ислом акани яхши билмаган эканман, у киши кеча-кундуз демай халқимизга хизмат қилаётган одам экан” деб, феълан ундан кечирим сўраганини.
Исмоил Дадажон – “Бирлик” лидерини ва бутун ташкилотни ҳизбу-таҳрир йўлига солиш учун ҳаракат қилиб, бирон натижага эришолмагандан кейин, ҳаётини “Бирлик”га қарши пасткашлик ва ифлосликлар қилишга бағишлаётганини.
Ёдгор Обид – Мухолифатнинг 20 йиллиги муносабати билан “Янги дунё” сайтига интервью берар экан, ўзи тушунмайдиган мавзуларни тилга олиб шарманда бўлгани, Абдураҳим Пўлатга қарши тамомийла бўхтондан иборат гаплар гапиргани, шу билан пасткашлик ва тубанликнинг энг чуқур нуқтасига тушиб қолганини, ўз пасткашлиги шу даражага бориб, Ўзбекистондан бутунлай чиқиб кетганига бир неч ой бўлишига қарамасдан, Тошкентда қандайдир аёллар Абдураҳим Пўлатнинг қалбаки ишлари ҳақида айнан унинг олдига Ёзувчилар Уюшмасига шикоят қилиб келишганини айтишгача борганини.
Юсуф Расул – Аввал Исёнкор, кейин “Янги дунё” сайтида “Эрк”нинг хоин лидери Салой Мадаминни “демократиянинг рамзи” сифатида кўрсатишга роса урингани, у билан ораси бузилгач, тош отиб қолиш мақсадида, “Эрк” партиясининг бош котиби Отаназар Ориф импотент бўлган укасининг хотини билан ҳам ўз хотинидек яшаганини иддао қилувчи ўта ифлос мақола, Ёдгор Обидга бир сайт очиб берганини рўкач қилиб, у билан “Бирлик” лидерига қарши чегараси йўқ ёлғонлардан иборат ўта пасткаш руҳдаги суҳбат уюштириб, “Янги дунёда” эълон қилганини.
“Янги дунё” билан ҳамкорлик қилганлар – тубанлик рамзига айланган бу сайт билан билмасдан ҳамкорлик қилиб қўйганларини.
