09 September 2009
21:18 - Discovery шатлл кемаси Халқаро Фазовий Станциядан айрилди, пайшанба куни ерга қўнади
29 августда АҚШнинг Флорида штатидаги Канавералл космодромидан учирилиб, 31 августда Халқаро Фазовий Станцияга (ХФС) туташтирилган Discovery шатлл фазовий кемаси АҚШ вақти билан кеча (Тошкент вақти билан бугун кечаси тун ярмидан кейин) ХФСдан айрилди ва у ҳозир ерга қайтиш йўлида.

7 кишилик экипажи бор бўлган кема ер сатҳидан 223 мил (тахминан 450 км) баландликда Хитой билан Монголия чегараси устида ХФС айрилди, дейилади Reuters агентлигининг хабарида.

Discovery кемаси ХФСга 7 тонналик юк келтирган эди. Аввал ҳам айтилганидек, юкнинг ичда, озиқ-овқатдан ташқари, станциянинг фаолияти учун керак бўлган аппаратура ҳам бор. 1998 йил декабрда ишга тушган Халқаро Фазовий Станция ҳали ҳам тўла жиҳозланмаган, бу иш охирига етиши учун келаси йилнинг охиригача яна 6 марта шатллар учирилади. Ана шундагина 16 мамлакатнинг иштирокида яратилаётган 100 млд долларлик Станция режалаштирилган ҳолга келади.

Ўтган 9 кун ичида кеманинг экипажи ХФСдаги 6 астронавт билан қўшилиб қатор илмий-амалий тажрибалар ўтказди, уларнинг баъзилар бир неча марта фазога чиқди. Кема эртага яна ўша Канавераллдаги космодромга қўниши керак. Табиий, кутилмаган бирон ҳол рўй бермаса.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону