03 August 2009
19:43 -
Даниянинг собиқ бош вазири НАТО бош котиби сифатида иш бошлади
1 августдан НАТОнинг бош котиби лавозимига расман ўтирган даниялик Андерс Фог Расмуссен бугун хизмат вазифасини бажаришга бошлади, дейилади дунё оммавий ахборот воситаларининг хабарида. 28 мамлакатни бирлаштирувчи альянснинг бош котиби биринчи куниёқ матбуот конференцияси ўтказди ва НАТОнинг сиёсатини ўзи қандай кўриши ҳақида маълумотлар берди.Унинг баъзибир муҳим фикрлари қуйидагича:
- НАТОни кенгайтириш жараёни давом эттирилади;
- Украина ва Гуржистон ҳали НАТОга киришга тайёр эмас, аммо келажакда улар аъзо бўлишади;
- НАТО ҳали Афғонистондан кетмоқчи эмас, у қанча керак бўлса, шунча вақт бу мамлакатда қолади;
- Россия билан стратегик ҳамкорлик давом эттирилади, айни замонда, ундан ўз қўшниларининг суверенитетини ҳурмат қилиш талаб қилинади.
