03 August 2009
14:24 -
Робия Қодирнинг қариндошлари Хитой ҳукуматнинг босими остида унга қарши чиқмоқдалар
Жаҳон Уйғурлар Конгрессининг раиси Робия Қодир бир неча йилдан бери АҚШда яшайди. У Уйғур-Шинжон мухтор ўлкасида уйғурларнинг ҳақ-ҳуқуқлари учун курашган ва шу сабали Хитойда бир неча йил қамоқда ҳам ётган, дунё жамоатчилигининг талаби билан озод қилинганди.Хитой расмийлари шу йил 5 июлда Урумчида бўлган тартибсизликларни ташкил қилишда ҳам Робия Қодир раҳбарлигидаги Жаҳон Уйғурлар Конгрессини айблашмоқда. Улар бу ишга Робия Қодирнинг Урумчида яшайдиган қариндошларини ҳам мажбурлаб тортаётганлари қабиҳликдан бошқа нарса эмас.
Ҳозир маълум бўлишича, Робия Қодирнинг бир гуруҳ Урумчида яшайдиган қариндошларига хат ёздиришибди. Ҳукуматининг талаби билан ёзилганига ҳеч қандай шубҳа бўлмаган бу хатда шундай сўзлар бор: “Сен сабабли турли этник гуруҳларнинг вакиллари ҳаётларидан жудо бўлдилар. Натижада, турли этник гуруҳлар ўртасидаги гармония ва бирлик катта зарар кўрди. Далиллар шуни кўрсатмоқдки, Урумчидаги тартибсизликлар Жаҳон Уйғурлар Конгресси тарафидан ташкил қилинган.”
