26 February 2005
04:00 - 18:30 - Бевакт ўлим 18:00 - Тухматлар эътирофи
18:30 - Бевакт ўлим

Бугун сахарда Дадахон Хасаннинг турмуш ўртоги Каромат опа вафот этди. 1952 йилда тугилган Каромат опа сўнгги ойларда каттик касал бўлиб ётиб колган ва бир неча кун аввал касалхонадан уйига олиб келинган экан.

Каромат опа хам «Бирлик» халк харакатининг тузилиш кунларидан бири унинг энг фаол аъзоларидан бири бўлган. У киши «Бирлик»нинг аёллар ташкилоти бўлмиш «Тўмарис»нинг тузилишида ва кейинги фаолиятида катта рол ўйнаган. Бу ўлим нафакат Дадахон Хасан ва унинг оиласи, балки хамма «бирликчи»лар учун катта жудоликдир.

18:00 - Тухматлар эътирофи

Шу кунларда хукук-тартибот сохасидаги рахбар идоралар матбуотда ўзига хос “ошкоралик“ни намойиш этишга уринмокда. Бунга Ўзбекистон президенти Олий.Мажлиснинг биринчи кўшма йигилишидаги маърузасида айтган гапларни хаётга тадбик этиш кампаниясининг бир кисми деб караш лозим. Масалан, якинда “Ўзбекистон овози“ газетасида босилган “Жўрабековлар иши“ хакидаги маколани эслайлик (бу тўгридаги маълумотни сайтимизда ўкиган эдингиз). Шу рухда ёзилган, лекин Миллий хавфсизлик хизмати ходимлари каламига мансуб бўлган “Тухмат тоши“ сарлавхали яна бир макола “М.Умматов“ деганнинг муаллифлигида “Халк сўзи“ газетасининг 24 февраль сонида босилди.

Мазкур маколада гап 2003 йилда Жиззах, Самарканд ва Сирдарё вилоятларида “юкори рахбарият олдида ўзини кўрсатиб, тезрок юкорирок лавозимни эгаллаш ниятида“ 6 нафар хукук-тартибот ходими томонидан килинган жиноятлар - фукароларга кукунсимон наркотик модда (героин) ташлаб кўйиб, уларни камашлар хакида боради. Тухматчи-жиноятчилар божхона, ички ишлар ва Миллий хавфсизлик ходимлари бўлишган (уларнинг номлари хеч нимани англатмаслиги учун келтирмадик).

Кукунсимон моддани машинага ташлашнинг кулайлиги учун бўлса керак, кўпрок хусусий такси хайдовчилари жабрланганлар. Хатто шундай хам бўлганки, пакетдаги буюмни кўчада, дўкон олдида турган оддий фукарога тутказиб (ушлаб туришни илтимос килиб), сўнгра уни шу “ашёвий далил“ билан кўлга олишган. Аслида кукунсимон модда диацетилморфин (героин) эмас, балки алебастр, тиш ювиш порошоги каби ок кукун нарсалар бўлган. Диёнатсиз, сохтакор экспертлар эса бу кукунларни “текшириб“, наркотик модда дея нотўгри хулоса берганлар.

Тухмат бандалари ишини Ўзбекистон Харбий суди кўрган. “Тергов жараёнида фукароларни наркотик моддалар билан боглик жиноятларда асоссиз айблаб кўлга олиш холатларидан 13 таси судда исботини топди“, дейилади маколада. Суд хукмига кўра, тухматчи-жиноятчиларнинг 5 таси 7 йилдан 15 йилгача озодликдан махрум этилган, биттаси амнистия бахонасида озод килинган. Кўриб турганингиздек, мазкур хукм Ўзбекистондаги жазо амалиётлари мезони бўйича юмшок хукмдир.

Гарчи хукумат газетасидаги мазкур материал хукук-тартибот ходимларининг ушбу кирдикорларини фавкулодда ходиса сифатида такдим этган бўлса-да, лекин улар амалиётида бундай разил килмишлар тез-тез содир этиб турилиши сир эмас. Камаш лозим бўлган (масалан, ваххобийликка мансубликда гумон килинган) фукароларга яширинча наркотик модда ташлаб кўйиш ўтилган боскич бўлса, бугунги кунда диний-сиёсий айблар билан камаш учун, хабарларимиздан маълумки, уларга таъкикланган адабиёт тикиштирилади.

Ички ишларнинг бир тармоги - Давлат автомобиль назорати (ДАН) ходимларининг-ку кундалик “план топшириги“ бор. Улар панага ўтиб олиб, таъбир жоиз бўлса, ўтганнинг ўрогини олади, кетганнинг кетмонини. Айни вактда порахўрлик килиб, ўз нафсини кондиради. Шунинг учун хам Грузияда “атиргул“ инкилобидан сўнг ДАН тизими буткул тугатилгани бежиз эмас.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону