20 April 2020
23:04 -
Мамлакатимизда Рамазон ойи расман 24 апрелда бошланади
2020 йил муборак Рамазон ойининг бошланиши 24 апрель кунига тўғри келиши ҳақидаги Ўзбекистон Мусулмонлари Идорасининг ахбороти қабул қилинди, Ўзбекистон Президентининг “Муборак Рамазон ойини муносиб тарзда ўтказиш тўғрисида”ги қарори имзоланди.Қарорга мувофиқ, муборак Рамазон ойининг карантин қоидаларига қатъий риоя қилган ҳолда, уй шароитида, оила даврасида ўтказилиши учун зарур шароитлар яратилади. Авваломбор, ёрдамга муҳтож ва эҳтиёжманд шахсларни ҳар томонлама қўллаб-қувватлаш, оилалар ва маҳаллаларда меҳр-оқибат ва ўзаро ҳурмат муҳитини мустаҳкамлаш билан боғлиқ ташкилий чора-тадбирлар янада кучайтирилади.
“Ўзбекистон Мусулмонлари Идораси уламолари томонидан Ислом дини манбалари ва астрономик маълумотларга таянган ҳолда 2020 йилда Рамазон ойининг биринчи куни шу йил 24 апрель, жума кунига тўғри келиши ҳақида хулоса қилинган”, дейилади Идоранинг хабарида.
