16 December 2019
14:50 -
Сайловолди масхарабозлик: Марказий Банк сўмнинг бошқа валюталарга нисбатан 17 декабрда кучга кирадиган курсларини эълон қилди, долларнинг сўмга нисбатан курси бироз туширилибди
Марказий Банк 2019 йил 17 декабрдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини бугун эълон қилди. Мана баъзибир валюталарнинг сўмга нисбатан тайинланган янги ва бир ҳафта аввалги (қавс ичида) курслари:1 АҚШ доллари – 9532,40 (9537,55 сўм)
1 ЕВРО – 10599,08 (10 545,67 (10476,36)
1 Жанубий Корея вони – ? (?)
1 Хитой юани – 1364,73 (1355,77)
1 Туркия лираси – ? (?)
1 Россия рубли – 151,57 (149,88)
1 Қозоқ тенгеси – 24,78 (24,72)
Кўриб турибсизки, долларнинг сўмга нисбатан курси бироз тушган. Бошқа валюталарга нисбатан сўмнинг курси бироз ортганининг ҳеч аҳамияти йўқ. Чунки, ҳозир дунёда асосий валюта доллардир.
Унутмайликки, долларнинг сўмга нисбатан курси 1 йилу 6 ойдан бери сал кам тўхтовсиз ортиб бормоқда. Лекин, эътибор беринг, Президент Шавкат Мирзиё иқтисодий аҳволимиз, жумладан, сўмимиз, дабдала аҳволда эканлигини ҳеч қаерда тилга олмаяпти. Чунки, УНИНГ МАҚСАДИ – ХАЛҚНИ ЛАҚИЛЛАТИБ ЮРИШ, ҳозир эса, ёлғондакам сайловлар арафасида ишлар ёмон эмаслигини намойиш қилиш. Шармандалик ва масхарабозлик шу бўлмаса, қанақа бўлиши керак?
Эслатиш керак, 2018 йилнинг 1-чи ярмида Ўзбекистон Марказий Банкининг 900 миллион долларлик ёрдами билан сўмнинг курси кескин кўтарилган, аммо, йилнинг 2-чи ярмида Марказий Банкининг ёрдами бўлмагани туфайли сўмнинг қиймати ўпирилиб тушган эди. Бу йил ҳам бечора сўмимизнинг қиймати асосан тушиб бормоқда. Демак, ишлар аввалги йилдагидан ҳам чатоқ бўлади.
Табиий, валюта қийматларини белгилаш чоғида, ҳар доимгидек, Марказий Банк мазкур валюталарни ушбу қийматда сотиш ёки сотиб олиш мажбуриятини ҳам олмаган. Яъни, Ўзбекистонда ҳали ҳам эркин валюта бозори йўқ. Социалистик иқтисодиёт билан яшаётган Ўзбекистон каби мамлакатда бўлолмайди ҳам.
