03 November 2019
22:20 - Путиннинг матбуот котиби Песков Россияда соғлиқни сақлаш системаси ўзини-ўзи тузатолмаслигини тан олди. Шавкат Мирзиё ҳам ҳамма нарсани тан олиб, истеъфога кетиши керак!
Россиянинг оммавий ахборот воситалари Интерфакс Агентлигига асосланиб, Путиннинг матбуот котиби Песков Россиядаги соғлиқни сақлаш системаси ўзини-ўзи тузатиш қобилиятига эга эмаслигини айтгани, бу соҳада муаммолар кўплигини, замонавий техника воситалари етишмаслигини, шифокорларни ҳамма шароитларга кўникиб ишлайдиган даражага чиқариш лозимлигини гапирганини хабар қилиб тарқатмоқдалар.

Россия президенти ва унинг матбуот котиби ҳақиқатни гапиришга мажбур бўлаётганини тушуниш жуда муҳимдир.

Аммо, биз учун муҳим бўлгани, Ўзбекистон Президенти Шавкат Мирзиё ва унинг тақими, мавжуд система мамлакатимиздаги муаммоларни ҳал этиш қобилиятига эга эмас эканлигини тан олиши кераклиги ва истефога кетиши ШАРТлигидир.

Эслатиш керакки, Ўзбекистонни ҳозирги ғариб аҳволдан олиб чиқиш учун мамлакатимизга косметик эмас, ФУНДАМЕНТАЛ сиёсий ва иқтисодий ислоҳотлар кераклиги ҳақида “Бирлик” Халқ Ҳаракати Партияси ва унинг жарчиси бўлган “Ҳаракат” Агентлиги йиллардан бери тўхтовсизгапириб келмоқдалар.

Унутмайликки, фундаментал сиёсий ислоҳотларнинг марказида давлатни демократиялаштириш, қўғирчоқ Олий Мажлис ва қўғирчоқ партиялардан тозаланиш, ҳақиқий демократик мухолифат иштирокида сайловлар билан Олий Мажлисни, ҳукуматни, оммавий ахборот воситаларини янгилаш, ҳақиқий ошкоралик ва сўз эркинлигига йўл бериш каби ғоялар ётади.

Фундаментал молиявий-иқтисодий ислоҳотларнинг марказида эса, тўла бозор иқтисодиётига ўтиш, биринчи навбатда, катта бойлар, яъни инвесторлар синфи яратиш йўлига Ислом Карим ва Шавкат Мирзиё жинояткорона қўйган тўсиқларни олиб ташлаш ғояси борлигини урғулаш ҳам муҳимдир.

Бундай фундаментал ислоҳотларни амалга ошириш учун тажрибали давлат арбоби, аввалги Бош вазир ўринбосари Рустам Азимни жойига қайтариш керак.

Ўта мураккаб ва қоришиқ бўлган фундаментал ислоҳотларни “Бирлик” каби ҳақиқий демократик партияларнинг иштирокисиз МАВЖУД РЕЖИМНИНГ ЎЗИ ҚИЛОЛМАГАН ва ҚИЛОЛМАЙДИ. Шундай экан, “Толибон” каби террорист ташкилотлар билан эмас, “Бирлик” Халқ Ҳаракати Партияси билан музокаралар олиб бориш ва бирга ишлашни ўйлаш ШАРТ.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону