20 October 2019
16:45 - Сенсация: ЎзЛДП раҳбари Актам Ҳайит барча партиялар ҳукуматга ўз сўзини айта олиши кераклигини билар эмиш
Kun.uz Интернет нашри бугун Тадбиркорлар ва Ишбилармонлар Ҳаракати – Ўзбекистон Либерал-Демократик Партияси (ЎзЛДП) Сиёсий Кенгашининг Ижроия Қўмитаси раиси Актам Ҳайит билан ўтказилган суҳбатни эълон қилди. Узундан-узоқ суҳбатнинг асосий нуқтаси хабарнинг сарлавҳасига чиқарилган: “Барча партиялар ҳукуматга ўз сўзини айта олиши керак”.

Сиёсий партия деб ҳисобланадиган бу ташкилот расман 2003 йил 15 ноябрда тузилган бўлиб, унинг 230 мингдан кўпроқ аъзоси борлиги иддао қилинади. Бошқача бўлиши ҳам мумкинмас, чунки сиёсий партиялар ҳақидаги қонунга кўра, партия рўйхатдан ўтиши учун камида 20 минг аъзога эга бўлиши керак. Аммо, бу қўғирчоқ партиянинг шунча аъзоси борлигига ишонадиган одам Ўзбекистонда йўқ. Бўлиши ҳам мумкинмас, чунки, Ўзбекистон халқи сиёсий партия нималигини ҳозиргача ҳам билмайди.

Ҳеч шубҳа йўқки, Kun.uz каби нашрлар шу йил бошларида Президент Администрацияси ҳузурида яратилган Ахборот ва Оммавий Коммуникациялар Агентлигининг қўғирчоқ раҳбарлари - директори Комил Алламжон ва унинг ўринбосари, Шавкат Мирзиёнинг катта қизи Саида Мирзиё тарафидан берилган буйруқни бажармоқдалар холос.

Kun.uz сайтидаги бу суҳбатни шу пайтгача бор-йўғи 4,5 мингча одам ўқибди. Аҳолиси 33 миллион бўлган Ўзбекистондек давлат учун бу кулгили рақамдир.

Нима ҳам дердик, Ўзбекистоннинг ғариб аҳволи шунақа деймиз. Айни замонда, Актам Ҳайит кабилар учун кичкина, аммо ҳақиқий фикрни такрорлаймиз.

Эй, ўзбеклар кўзингизни очинг, Ўзбекистондаги тожиклар режими ва қўғирчоқ ташкилотлар билан (Олий Мажлис, сиёсий партиялар ва давлатнинг бошқа органлари билан) мамлактимизнинг келажаги йўқ. Бу аҳволдан чиқишнинг ЯГОНА ЙЎЛИ – “Бирлик” Халқ Ҳаракати Партияси йиллардан бери айтиб келаётгандек, Ўзбекистонда Шавкат Мирзиё ўтказаётган косметик ислоҳотлар ўрнига ҳақиқий ФУНДАМЕНТАЛ сиёсий ва иқтисодий ислоҳотлар ўтказиш ШАРТ.

Мамлакатимизни ўлимдан қутқариб қолиш ва ФУНДАМЕНТАЛ ислоҳотларни амалга ошириш учун тажрибали давлат арбоби, аввалги Бош вазир ўринбосари Рустам Азимни жойига қайтариш лозим.

Ўта мураккаб ва қоришиқ бўлган фундаментал ислоҳотларни “Бирлик” каби ҳақиқий демократик партияларнинг иштирокисиз МАВЖУД РЕЖИМНИНГ ЎЗИ ҚИЛОЛМАГАН ва ҚИЛОЛМАЙДИ. Шундай экан, Президент Шавкат Мирзиё “Толибон” каби террорист ташкилотлар билан эмас, “Бирлик” Халқ Ҳаракати Партияси билан музокаралар олиб бориш ва бирга ишлашни ўйлаши ШАРТ.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону