05 July 2009
01:11 -
Бугун АҚШда Мустақиллик куни байрам қилинмоқда, Озодлик ҳайкалининг тожига кириш янгидан очилди
АҚШ Британия қироллигидан мустқил бўлганини эълон қилганига 233 йил бўлди. Бугун бу мамлакатда байрам, америкаликларнинг энг катта байрами.Айнан бугун, фақат Нью-Йоркнинг эмас, бутун Американинг рамзига айланган Озодлик ҳайкалининг тожи ичдаги тамоша майдончаси одамлар учун қайтадан очилди. Бу майдонча 2001 йил 11 сентябрдаги террористик воқеалардан кейин хавфсизликни таъминлаш нуқати назаридан келиб чиқиб бекитилган эди. Бу ҳақда Associated Press агентлиги хабар тарқатди.
Эслатиб ўтиш керакки, дейди мухбиримиз, умумий оғирлиги 125 тонна, баландлиги 46 метр (фундамент ва машъал билан 96 метр) бўлган бу ҳайкални Мустақиллик кунининг 100 йиллиги муносабати билан Франция ҳадя этган. Ҳайкал шаҳарнинг маркази бўлмиш Манхеттенга океан билан боғланувчи кўрфаз орқали киравериш йўлидаги кичкина оролчада жойлашган.
