11 May 2019
16:08 -
Давлат даражасидаги масхарабозлик: Авваллари Шайхонтоҳур тумани ҳокими, Тошкент ҳокими, Қурилиш Вазири бўлган Абдуқаҳҳор Тўхтаев яна Шайхонтоҳур тумани ҳокими бўлди
ЎзАнинг “Халқ сўзи” манбаларига асосланиб тарқатилган қисқа хабарида айтилишича, халқ депутатлари Шайхонтоҳур тумани кенгашининг 2019 йил 10 май куни бўлиб ўтган навбатдан ташқари сессиясида Тўхтаев бир овоздан шу туман ҳокими этиб тайинланибди.Маълумот учун, Абдуқаҳҳор Тўхтаев 1996-1999 йилларда ҳам Шайхонтоҳур туманини бошқарган экан.
У 2005—2011 йилларда Тошкент шаҳри ҳокими бўлган, 2013—2016 йилларда “ЎзЛИТИнефтгаз” компанияси раҳбари ўринбосари сифатида фаолият олиб борган. 2016 йил кузида Жиззах шаҳри ҳокими, 2017 йилнинг апрелида Тошкент шаҳрининг Олмазор тумани ҳокими этиб тайинланганди. 2018 йилнинг апрелида эса Абдуқаҳҳор Тўхтаев янги ташкил этилган Қурилиш вазирлигига раҳбар бўлганди.
Кўриб турибмизки, аввал Ислом Карим, энди Шавкат Мирзиё кадрларни масхараболик руҳида алмаштириш билан овора. Айнан шу нарсалар Ўзбекистон давлат сифатида ўлаётганининг кўрсатгичидир.
