01 July 2009
01:56 -
Исроил президенти Шимон Перес Қозоғистонда
Кеча Озарбайжонда бўлган Исроил президенти Шимон Перес бугун расмий ташриф билан Қозоғистон пойтахти Останага келди. У қозоғистонлик ҳамкасби Нурсултон Назарбой ва бу мамлакатнинг бош вазири билан учрашувлар ўтказди.Казинформ агентлиги хабарларидан маълум бўлишича, исроиллик меҳмон асосан Қозоғистон билан иқтисодий алоқаларни ривожлантирш бўйича музокаралар олиб бормоқда. Бугун у Қозоғистон-Исроил бизнес форумида ҳам иштирок этди ва ўзини қабул қилган Қозоғистон раҳбарларига миннатдорчилик билдириш билан бир қаторда Қозоғистон адресига мақтовлар ёғдирди. У хусусан шундай деди: “Биз Қозоғистонни келажаги ажойиб бўлган дўстимиз деб ҳисоблаймиз”.
Шимон Перес Остонадан кейин Тошкентга келса керак.
