23 June 2009
12:31 -
Ҳамма нарса “президентимиз” раҳнамолигида амалга оширилади, тиббий хизмат ҳам
Кеча давлатнинг расмий ЎзА агентлиги “президентимиз раҳнамолигида” нодавлат радиостанциялар ишга туширилаётгани ҳақидаги хабар тарқатганди. Аслида, фақат бу эмас, ҳамма хабарлар “президентимиз раҳнамолигида” олиб борилаётган ишлардир.Маан бугун ҳам ЎзАнинг ҳозирча ягона хабари қуйидагича бошланади: “Президентимиз Ислом Каримов раҳнамолигида мамлакатимизда аҳоли саломатлигини мустаҳкамлаш, тиббий хизмат кўрсатиш, тиббий муассасалар моддий-техника базасини мустаҳамлашга алоҳида эътибор қаратилмоқда”
Хабардаги воқеа олқишга сазовор бўлса ҳам , унинг Ўзбекистондек давлат раҳбарини номини тиқиштиришга арзийдиган жиҳати йўқ.
Қисқа хабардан маълум бўлишича, Наманган вилоят тиббиёт масканларига замонавий асбоб-ускуналар ва техника воситалари билан жиҳозланган 17 та Damas ва саккизда Hunday автомашиналари топширилибди. Бу воқеа “президентимизнинг” юксак эътибор ва ғамхўрлик самараси экан. Яхшиям у киши ғамхўрлик қилибди, акс ҳолда, Наманганда касалларни замбилда ташиб юришган бўлармиди?
