22 June 2009
17:47 - Ингушистон президенти ҳам терактлардан четда қололмади
Рус хабар агентликлари бугун эрта саҳарда Ингушистоннинг президенти Юнус-Бек Евкуров ҳам ичида бўлган автомобиллар кортежи ўтаётган пайтда йўл четидаги бошқа бир автомобиль портлатилганини билдиришди. У оғир ярадор бўлган, операциядан кейин реанимация бўлимига ётқизилган. Унинг 4 қўриқчиси ўлган, бир неча киши, уларнинг ичида президентнинг укаси ҳам бор, ярадор бўлган.

Бу портлаш теракт бўлганига ҳеч ким шубҳа қилмайди. Россия президенти Дмитирий Медведеп ҳам шундай деган.

Эслатиб ўтиш керак, 1963 йилда туғилган Юнус-Бек Евкуров 1989 йилда Рязандаги ҳарбий билим юртини битиргандан бери аввал Совет, кейин РФ аримиясида хизмат қилган ва русларнинг ишончли одами бўлган. Рус қўшинларининг Кавказдаги оперцияларида иштироки учун 2000 йилда Россия Қаҳрамони унвони олган. Ўтган йили 30 октябрда Дмитирий Медведев уни Ингушистон президенти вазифасини вақтинча бажарувчи қилиб тайинлади, эртасигаёқ Ингушистон парламенти бу қарорни тасдиқлади.

Юнус-Бек Евкуров Россиянинг бошқа бир малайи – Чеченистон президенти Рамзон Қодиров билан биргаликда бу икки мамлактнинг мустақиллиги учун курашаётган жангариларни йўқ қилиш учун ҳаракат қилишарди. Ҳарҳолда, бу терактни ҳам ўша жангарилар уюштиришган.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону