22 June 2009
11:20 -
Абдураҳим Пўлат: Чет эллардаги Эронликлар диаспораси фаоллашмоқда, бундан фойда кам, аммо ўзбекларга фойдали ўрнак
Русларнинг Интерфакс агентлигининг хабар беришича, кеча бир гуруҳ эронликлар ва америкаликлар Россиянинг Вашингтондаги элчихонаси олдида намойиш ўтказдилар. Тахминан 800 кишидан иборат гуруҳ Россия Эрондаги президент сайлови натижаларини тан олганини қоралади. Жума куни шунга ўхшаш норозилик намойиши Хитойнинг Вашингтондаги элчихонаси олдида ҳам ўтказилган экан.
Аммо, кўринишидан, юрт ташқарисда намойиш қилаётган эронликларнинг ичкаридаги мухолифат билан алоқалари йўқ. Улар ҳамма ишларни координация қилишга эришишсалар яна ҳам яхши бўларди.
Чет элда яшаб, Эрондаги муллар режимидан норози бўлган эронликлар бир неча йиллар аввал АҚШ ва Европада ўн минглаб, юз минглаб кишилик митинглар ўтказишар ва Эронда прогрессив ўзгаришлар бўлишини талаб қилишарди. Бу намойишларнинг сал кам ҳеч қандай фойдаси бўлмасди. Кубалик эмигрантлар ҳам шу каби намойишларни кўплаб ўтказишган, аммо Фидель Кастро режими уларга парво ҳам қилмаган.
Бу воқеалар бизни ҳам жиддий ўйлантириб қўйиши керак.
Мен айнан кубаликлар ва эронликларнинг тажрибаларидан келиб чиқиб, ўзбек мухолифатининг юрт ташқарисида ташкилотланиши ва бу ерда турли акциялар ўтказиши фойдасиз ёки кам фойдали эканлигини урғулаб келганман. Ҳамма кучни юрт ичидаги мухолифатни мустаҳкамлашга ташлаш лозимлигини гапириб келганман ва гапиришни давом эттираман. Мана, Эрон мисолида ҳам кўриб турибмизки, ҳамма нарса юрт ичида қилинади. Ичкаридаги мухолифатгина ҳукуматни ўзи билан ҳисоблашишга мажбур қилолади. Юрт ташқарисидаги диаспора юрт ичидаги мухолифатнининг ҳаракатларини қўллаб-қувватловчи акциялар ўтказсагина, уларда маъно пайдо бўлади.
Шулардан келиб чиқиб, юрт ташқарисидаги мухолифатчиларга яна бир марта мурожаат қилмоқчиман. Бутун кучимизни Ўзбекистон ичида фаолият олиб бораётган сафдошларимизга ёрдам беришга, мухолифатнинг юрт ичкарисидаги ҳаракатларини қўллаб-қувватлашга ташлайлик. Юрт ташқарисидаги ўзбек мухолиф гуруҳларининг фаоллашиши – юрт ичидагиларга ёрдам шаклидагина бўлиши мумкин.
Айни замонда, воқеаларга реал кўз билан қарайлик. Ўзбекистонда “Бирлик” Партиясидан бошқа ташкилий куч қолмади. Ёрдамни бу партияга беринг. Ўзбекистонда демократияни ривожлантириш учун бугунги шартлар остида бошқа йўл йўқ.
Аммо, кўринишидан, юрт ташқарисда намойиш қилаётган эронликларнинг ичкаридаги мухолифат билан алоқалари йўқ. Улар ҳамма ишларни координация қилишга эришишсалар яна ҳам яхши бўларди.
Чет элда яшаб, Эрондаги муллар режимидан норози бўлган эронликлар бир неча йиллар аввал АҚШ ва Европада ўн минглаб, юз минглаб кишилик митинглар ўтказишар ва Эронда прогрессив ўзгаришлар бўлишини талаб қилишарди. Бу намойишларнинг сал кам ҳеч қандай фойдаси бўлмасди. Кубалик эмигрантлар ҳам шу каби намойишларни кўплаб ўтказишган, аммо Фидель Кастро режими уларга парво ҳам қилмаган.
Бу воқеалар бизни ҳам жиддий ўйлантириб қўйиши керак.
Мен айнан кубаликлар ва эронликларнинг тажрибаларидан келиб чиқиб, ўзбек мухолифатининг юрт ташқарисида ташкилотланиши ва бу ерда турли акциялар ўтказиши фойдасиз ёки кам фойдали эканлигини урғулаб келганман. Ҳамма кучни юрт ичидаги мухолифатни мустаҳкамлашга ташлаш лозимлигини гапириб келганман ва гапиришни давом эттираман. Мана, Эрон мисолида ҳам кўриб турибмизки, ҳамма нарса юрт ичида қилинади. Ичкаридаги мухолифатгина ҳукуматни ўзи билан ҳисоблашишга мажбур қилолади. Юрт ташқарисидаги диаспора юрт ичидаги мухолифатнининг ҳаракатларини қўллаб-қувватловчи акциялар ўтказсагина, уларда маъно пайдо бўлади.
Шулардан келиб чиқиб, юрт ташқарисидаги мухолифатчиларга яна бир марта мурожаат қилмоқчиман. Бутун кучимизни Ўзбекистон ичида фаолият олиб бораётган сафдошларимизга ёрдам беришга, мухолифатнинг юрт ичкарисидаги ҳаракатларини қўллаб-қувватлашга ташлайлик. Юрт ташқарисидаги ўзбек мухолиф гуруҳларининг фаоллашиши – юрт ичидагиларга ёрдам шаклидагина бўлиши мумкин.
Айни замонда, воқеаларга реал кўз билан қарайлик. Ўзбекистонда “Бирлик” Партиясидан бошқа ташкилий куч қолмади. Ёрдамни бу партияга беринг. Ўзбекистонда демократияни ривожлантириш учун бугунги шартлар остида бошқа йўл йўқ.
