15 June 2009
21:50 - Исроил фуқароси Тошкентда элитали коттеж шаҳарчаси қурмоқчи
Самрақандда туғилиб, 1973 йили Исроилга кетиб қолган, ҳозир Марказий Осиё миқёсида бизнес қилаётган 56 ёшли Ханан Биньяминов Ташкентда элитар коттеж шаҳарчаси қурмоқчи, деб хабар беради IzRus сайти. У ҳаётининг ярмини Тель-Авив яқинидаги ўзи мэр ўринбосари бўлган бир шаҳарчада, қолган ярмини Ўзбекистонда ўтказар экан.

Биньяминов америкаликларнинг SteelFrameHousing ширкати билан биргаликда Тошкентда иккита кўп қаватлик уй, 72 коттеж, клуб, кутубхона, маиший хизмат комплекси ва болалар маркази қурмоқчи.

“Ҳаракат” сайти Ўзбекистон ҳукумати сиёсий-иқтисодий эркинкларга йўл бермасдан, мамлакатимизни қолоқликка юз туттиришддан ташқари, келажакда бутун Ўзбекистонни қўши мамлакатлардаги ва ўзи узоқда бўлса ҳам Ўзбекистонда илдизлари бор бўлган бойларнинг мардикорларига айлантириш учун замин тайёрлаётганини ёзганди. Бу хабар ҳам айтилган фикримизнинг мутлақо тўғрилиги кўрсатмоқда. Ахир бир кун Ислом Карим кетади, Ўзбекистон демократлашади ва ўзбеклар ҳам енгил нафас олади деб ўйлайдиган янглишадилар. Бу кетишда ўзбеклар фақат Россияда эмас, Ўзбекистоннинг ўзидан ҳам чет эллик бойларнинг мардикорларига айланган миллат сифатидагина енгил нафас оладилар.

Шу сабабли, бугунги режимни бир кун аввал бўлса тезроқ ўзгартиришгина Ўзбекистоннинг келажаги учун хизмат қилади. Буни фақат ва фақат демократик мухолифат амалга ошириши мумкин. Келажагини озгина бўлса ҳам ўйлайдиган ўзбеклар, айниқса, чет элда юрган ўзбеклар - мухолифатни қўллаб-қувватламасалар келажаклари йўқлигини тушунишлари керак.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону