03 June 2009
05:10 - Йўқолиб қолган француз учоғининг океанга тушган жойи маълум бўлди
1 июнь куни Рио-де-Женейродан Парижга учиб кетаётган Air France авиакомпаниясига қарашли Airbus-330 самолёти Атлантика океани устида ғойиб бўлганди. Унинг ҳалокатга учрагани аниқ бўлса ҳам, ҳалигача у қаерга тушгани маълум эмасди.

Кеча “Учишлар Хавфсизлиги” номли Консультатив-аналитик агентликнинг президенти, Жаҳон учишлар хавфсизлиги фондининг бошқарув аъзоси Валерий Шелковников француз учоғининг океанга тушган жойи аниқланганини билдирган. Унинг айтишича, учоқ тушган нуқтанинг координатлари қуйидагича - 03 град. 57' шимолий кенглик ва 30 град 37' ғарбий узунлик. Айнан шу нуқтадан француз учоғида қисқа туташ бўлгани, герметиклик йўқолгани ва бир қатор компютер ҳамда техник системалар ишдан чиққани ҳақида автоматик сигнал келган экан. Бу нуқтага қуруқликдаги энг яқин жой – Бразилиянинг океан соҳилидаги Форталеза шаҳридир. // ИТАР-ТАСС
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону