24 December 2015
20:13 - “Ўзавтосаноат” ширкатининг савдо айланмаси йилиги 4 миллиард доллардан ошибди
“Ўзавтосаноат” компанияси ўз тизимидаги автомобил ва унинг двигателларини йиғадиган заводлари улушига мувофиқ, унинг савдо айланмаси йилиги 4 миллиард АҚШ долларидан ошибди. Тизимида 25 мингдан кўпроқ ходим хизмат қиладиган ширкат ишлаб чиқариш ва бошқарувнинг юқори стандартларига эга ҳамда ахборот-коммуникация технологияларини ишлаб чиқариш ва бошқарув жараёнларига чуқур татбиқ қилган биринчи тармоқлардан бири ҳисобланади, деб ёзади маҳаллий матбуот.

Газеталарнинг ёзишича, ҳозирда Ўзбекистон автосаноати мамлакат иқтисодиётининг энг жадал ривожланаётган тармоқларидан, мамлакат экспорт имкониятининг ёрқин мисоли ҳисобланади ва мамлакатнинг ташқи иқтисодий фаолияти ривожланишида борган сари муҳим роль ўйнамоқда.

Аммо, шуни ҳам ҳисобга олиш керакки, Ўзбекистон автомобилларни асосан Россияга экспорт қиларди. Россияда аҳвол чатоқлиги учун экспорт ҳажми йил сайин жиддий ўлчовда тушиб бормоқда ва тушиш давом этиши шубҳасиз. Демак, “Ўзавтосаноат” экспорт масаласида янги йўллар қидириши керак.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону