17 March 2009
04:00 -
23:00 - В Москве задержан серийный насильник (узбек)
20:00- ЎИҲЖнинг Наманган бўлими “Эзгулик”нинг баёнотини қўллаб-қувватлайди
18:45 - Абдураҳим Пўлат: Мазохистлар тўғри й
20:00- ЎИҲЖнинг Наманган бўлими “Эзгулик”нинг баёнотини қўллаб-қувватлайди
18:45 - Абдураҳим Пўлат: Мазохистлар тўғри й
23:00 - В Москве задержан серийный насильник (узбек)
В Москве задержан гражданин Узбекистана, подозреваемый в серии изнасилований, сообщили "Интерфаксу" в пресс-службе УВД Юго-Западного округа столицы.
"22-летний Умар приехал в Москву в 2006 году. Сначала работал на стройке, а потом устроился в магазин дворником. Личные отношения с противоположным полом не складывались. Вечерами он стал выслеживать одиноко идущих девушек, забегал за ними в подъезд, избивал в кабине лифта, после чего насиловал в извращенной форме", - рассказал собеседник агентства.
По его словам, прежде чем скрыться насильник забирал у жертвы деньги и ценные вещи.
"В настоящий момент задержанному предъявлено обвинение по нескольким статьям Уголовного кодекса: 162 (разбойное нападение), 131 (изнасилование) и 132 (насильственные действия сексуального характера). Причем, следствие не исключает, что пока известно не обо всех совершенных им нападениях", - отметил собеседник агентства. Он добавил, что милиция просит всех пострадавших от действий насильника обращаться по телефонам: 749-29-17, 8-499-135-40-76".// Интерфакс
20:00- ЎИҲЖнинг Наманган бўлими “Эзгулик”нинг баёнотини қўллаб-қувватлайди
Биз “Эзгулик” жамиятининг Ўзбекистонда инсон ҳуқуқлари билан шуғулланаётган нодавлат ташкилотларни биргаликда фаолият олиб боришга чорловчи 12 мартдаги баёнотини ўқиб хурсанд бўлдик. Баёнотда, эҳтимол атайин эмас, бизнинг ташкилотимиз номи тилга олинмаганини тушунмовчилик деб қабул қиламиз..
Бу хусусдаги раисимиз Толиб Ёқубнинг жавобларини ҳам ўқидик. Толиб ака ақлли, олим инсон. Жаҳл устида бўлса керак, айрим фикрларни билдирибдилар. Бизнинг буюк алломаларимиздан бири Ҳусайн Кошифий шундай деган эдилар: “Дўстлар дилини ранжитиш душманни муродига етказишдир”.
Дўстлар! Ҳозир биз мураккаб жараёнларни бошдан кечиряпмиз. Арзир-арзимас гаплар билан бирлашиш ва бирдамлик ҳақидаги чақириқларга раҳна солмайлик. Бир-биримизга нисбатан кечиримли бўлайлик.
Биз ҳаммани бир-бирларимизни тушунган, бир-бирларимизни қўллаб-қувватлаган ҳолда фаолият олиб боришга ва иккинчи даражали нарсаларни унутиб, “Эзгулик”нинг бирлашиш ҳақидаги фикрларини қўллаб-қуватлашга чақирамиз.
Носир Зокир
Ўзбекистон Инсон Ҳуқуқлари Жамияти
Наманган вилояти бўлимининг раиси
18:45 - Абдураҳим Пўлат: Мазохистлар тўғри йўналишда ўзгаришмоқда, сўнг нуқта “Бирлик”да бирлашиш бўлади
“Бирлик” Партияси билан тўғридан-тўғри боғланмаган, алоқа қилмаган ташкилотларнинг сайтлари мазохитсликдан бошқа нарса эмаслигини жуда кўп ёздик. Мақсадимиз – Ўзбекистондаги аҳвол юзидан дод-вой, йиғи-сиғи қилавериш, бундан мазохистлар каби роҳатланиш ўрнига, нима қилиш керак деган савол устида ўйлаш, таклифлар ишлаб чиқиш, ва ниҳоят, конкрет ишлар қилишга чақириш эди.
Танқидларимиз беҳуда кетмаганидан хурсандман. Тушунишимча, сайтларда йиғи-сиғи қилиш жиддий ўлчовда камайган. Аммо, у сайтлар биз кўрсатган йўлга тушдилар, нима қилиш керак саволи устида ўйлашга бошладилар дейишга ҳали эрта.
Улар ҳозир бир-бирларига, кўп ҳолларда бизга қарши ғараз ва ғийбат тўла ёзувлар ёзиш, яхши текширилмаган ва ёлғон-яшиқ деб баҳоласа бўладиган хабарлар тарқатиш билан ўралашиб қолмоқдалар. Бундан кейин, уларнинг айнан шу йўналишдаги фаолиятини танқидимизнинг нишони қилиб олишимиз керакка ўхшайди. Аввалги қадамимиз каби буниси ҳам муваффақиятли тугашига ишонаман. Шундай кун келдики, бу сайтлар, тўғрироғи, уларнинг орқасида турган мухолифатчилар биз айтган йўлга, яъни нима қилиш керак саволи устида ўйлашга бошлашади.
Агар улар нима қилиш керак саволи устида ўйлашга бошлашса, биринчи қадам сифатида, Ўзбекистон ичида амалий фаолият олиб бораётган, Ўзбекистоннинг келажаги учун қилиниши керак бўлган ишларнинг режасига эга бўлган бирдан-бир ташкилот - “Бирлик” Партиясида бирлашишдан бошқа йўл йўқлигини, юрт ташқарисидаги мухолифатчиларнинг асосий қиладиган иши - ют ичидаги сафдошларига моддий ва маънавий ёрдам бериш эканлигини, бу масалада ҳам, анча илгарилаб кетган “Бирлик” билан бирга бўлишлари лозимлигини тушуниб етишади.
Интернет тўла ҳукумат назорати остида бўлган Ўзбекистонда одамларга етишишнинг бирдан-бир йўли қоғоздаги нашрлардан фойдаланиш эканлигини, бирдан-бир амалдаги нашр бўлмиш “Ҳаракат” журнали билан ҳамкорлик қилиш муҳимлигини ҳам тушуниш керак. Улар бу оддий ҳақиқатларни қанча тез тушунишса, умумий ишимиз учун шунча яхши бўлади.
12:00 - Канадада ўзбек диаспораси ичидаги муносабатлар юмшамоқда
Канаданинг Торонто шаҳрида 10-12 ўзбек оиласи яшайди. Уларнинг ҳаммаси Ўзбекистон режимининг босимидан қочиб келишган. Кўпчилик Андижон воқеаларидан кейин келган. Бу ерда ўзбекларга хос тарзда яшашади, яъни, мутлақо кўпчилик бир-бири билан алоқа ҳам қилмайди. 1-2 йил ичида юз кўрмас бўлиб кетганлар ҳам бор.
Аммо, муносабатлар яхшилашаётгани ҳақида ҳам гапириш мумкин, дейди ўз исмини сайтимизда очиқланишини истамасдан бизга хат йўллаган Торонтолик бир ўзбек. 3-4 кун аввал шаҳар марказида асли Андижонлик, “Бирлик” фаоли Тоғбой Абдураззоқ билан кетётгандик. Йўлда ўтаётган автомибиллардан бири сигнал чалганини эшитиб, беихтиёр ўгирилиб қарадим. Бошқа бир Андижонлик сиёсий қочқин, ёзувчи Холдор Вулқон яқинда олган машинасидан бизга қўл силтарди. Улар иккаласи Андижонлик бўлгани учун қўл силташ кўпроқ сафдошимга қаратилган бўлса керак дея елкам билан Тоғбой акани туртдим. У киши ҳам Холдор акани кўриб қўл силтаб қўйди.
Шунда эсладимки, улар бир йилчадан бери кўришишмаган. Бир йилдан бери кўришмаган икки Андижонликнинг йўллари Торонтонинг марказида шу шаклда кесишган экан, Холдор аканинг дарҳол машинасини тўхтатиб, Тоғбой ака билан қучоқлашишини кутиш керак эди. Бундай бўлмаганининг сабаби – улар юз кўрмас бўлиб кетишгани.
Шундай шароитда улар бир-бирларига қўл силташларини ўзбек диаспораси ичидаги оламшумул ижобий воқеа эканлигини ҳар ким тушунса керак. Одам беихтиёр “бечора ўзбеклар” дегиси келади ва шоирнинг сартларини эслайди:
Қайга борсам бошда дўппим,
Торонтода ҳам юравераман гердайиб.
Чунки асли Андижонлик,
Энди Торонтолик ўзбегим.
10:15 - Поп туманидаги ҳалокат хабарига қўшимча
“Бирлик” Партияси Наманган вилоят ташкилотининг раиси Носир Зокирнинг билдиришича, 13 мартдаги автоҳалокатда ўлган Жиноят ишлари бўйича Поп тумани суди раиси Баҳром Ботиров ўз вақтида ҳукуматнинг топшириғи билан маҳаллий демократларга қарши баъзи ишлар қилган. Масалан, 2004 йили Поп туманидаги Халқобод фуқаролар йиғини раисини урганликда асоссиз айблаб, «Бирлик» Партияси Наманган вилояти ташкилотининг ўша пайтдаги раси Муҳаммадали Қорабоевнинг 4 ой давомида ҳибсда сақланиб туришига сабабчи бўлган. Мухолифатчиларнинг қаттиқ кураши натижасида Муҳаммадали Қорабоев озод қилинган.
Шундай бўлса ҳам, дейди Носир Зокир, биз Баҳром Ботировни Оллоҳ раҳмат айласин, жойи жаннатда бўлсин деймиз.
8:30 - Поп туманидаги йўл носозлиги олти кишининг ҳаётини олди
13 март куни Жиноят ишлари бўйича Поп тумани суди раиси Баҳром Ботиров фожиали тарзда ҳалок бўлди. Фожианинг сабаби - йўл носозлиги. Қарама-қарши томондан келаётган икки автомашина йўлдаги чуқурликни четлаб ўтиш мақсадида қарши томонга озгина бурилган. Натижада, улар тўқнашишган.
Нексия русмли биринчи автомашинани Баҳром Ботиров бошқариб бораётганди, у билан тўқнашган автомашинанинг русми Матиз бўлган. Унинг ҳайдовчиси кимлигини билолмадик.
Нексия дарҳол ёниб кетган, Баҳром Ботировнинг жасади таниб бўлмайдиган ҳолга келган. Унинг ёнидаги йўловчи ҳам ўлган.
Матиз автомашинасидаги тўрт киши ҳам ҳалок бўлган. Яъни йўлдаги носозлик туфайли олти киши жонидан айрилди.
8:00 - Мўътабар Тожибой: Мен Президент Барак Обаманинг овозини тўла эшитдим
Ҳозирда Норвегияда сиёсий муҳожирликда яшаётган муҳбиримиз, Андижонлик “Бирлик” фаоли Улуғбек Бакир куни кеча АҚШ сафаридан Парижга қайтган таниқли ҳуқуқ ҳимоячиси, бир қатор юксак Халқаро мукофатлар совриндори, жасоратли ўзбек аёли Мўътабар Тожибой билан телефон орқали боғланиб, суҳбатлашди.
Улуғбекнинг айтишича, Мўътабар опа АҚШ сафаридан толиқиб келганига ва соғлиги ҳам дуруст эмаслигига қарамай, “Ҳаракат” сайти учун интервью беришга рози бўлганлар. Улуғбек Мўътабар опа билан роппа-роса бир ярим соат суҳбатда бўлди. Ушбу суҳбат матни ҳажми каттароқ бўлганлиги учун ва матннинг асосий қисми ҳозирланаётганлиги сабабли, биз қуйида интервьюнинг биринчи қисмини ўқувчиларимизга ҳавола этамиз.
Суҳбатниннг биринчи қисми билан сайтимизнинг “Актуал мавзу” бўлимида танишинг.
