26 February 2009
04:00 -
23:30 - “Бирлик”чи Дилмурод Муҳиддин уйланди
23:00 - АҚШ Давлат департаменти анъанавий йиллик ҳисоботини тақдим этди
- Жаҳон Банкининг янги минтақавий директори Ўзбеки
23:00 - АҚШ Давлат департаменти анъанавий йиллик ҳисоботини тақдим этди
- Жаҳон Банкининг янги минтақавий директори Ўзбеки
23:30 - “Бирлик”чи Дилмурод Муҳиддин уйланди
Кеча “Бирлик” фаоли ва “Эзгулик” жамиятининг Марҳамат туман бўлими раҳабари Дилмурод Муҳиддин уйланди. Маълумки, Дилмурод “Бирлик” Партиясининг Андижонда тинч аҳолининг ўққа тутилишини қораловчи баёнотини тарқатишда айбланиб, бур гуруҳ партия фаоллари билан 2005 йилнинг май ойи сўнгида ҳибсга олинган ва 2006 йилнинг январь ойида 5 йилга озодликдан маҳрум қилинган эди. Ўтган йилнинг охирида у амнистия билан озод қилинди.
Тўй арафасида “Бирлик” Партияси раисининг ўрибосари Ҳамдам Сулаймон ва партиянинг Андижон вилоят ташкилоти раиси Саиджаҳон Зайнобиддин Димуроднинг уйида бўлиб, “маслаҳат оши” каби катталарнинг йиғилишида иштирок этишди, Дилмуродни ва унинг ота-онасини тўй билан табриклашди, “Бирлик” номидан тўяна беришди. Дилмуроднинг Марҳамат ва Шаҳрихон туманида яшайдиган бирликчи дўстлари тўй куни у билан бирга бўлишди.
Келин-куёвни табриклаймиз, уларга бахт-саодат тилаймиз.
23:00 - АҚШ Давлат департаменти анъанавий йиллик ҳисоботини тақдим этди
Бугун АҚШ Давлат котиби Ҳиллари Клинтон давлат департаментининг инсон ҳуқуқларига доир йиллик ҳисоботини эълон қилди. Унинг мамлакатимизга тегишли қисмида бу ерда ҳам ижобий ўзгаришлар кўзга ташлангани ҳолда умумвазиятнинг ночор қолаётгани таъкидланади. “Ўзбекистон авторитар давлатдир. Бу давлат фуқаролари эса, ўз ҳукуматини тинч ва демократик йўл билан алмаштириш ҳуқуқига эга эмас” деб бошланадиган қисмда сиёсий ҳуқуқларнинг камситилиши, ўзгача фикрловчи шахсларни таъқиб қилиш, қийноқ, болалар меҳнати, сўз эркинлигининг йўқлиги қатор мисолларда тилга олинади. Бир оғиз сўз билан айтсак, бу ҳисобатнинг умумий хулосалари аввалги йилларнинг ҳисобатдан ҳеч бир фарқ қилмайди. Келтирилган мисоллар – сайтимиз ўқувчиларига яхши маълум бўлган сўнги йилнинг воқеаларидир.
Ҳисоботни тақдим этган АҚШ Давлат котибининг демократия ва инсон ҳуқуқлари масалалари бўйича ёрдамчиси Карен Стюард унинг объективлигига гумон қилувчиларга қарата, фактларнинг ҳукуматлар, турли ташкилотлар, маҳаллий ва халқаро инсон ҳуқуқлари ташкилотлари, матбуотдан олинганини эътироф этди.
Жаҳон Банкининг янги минтақавий директори Ўзбекистонга келди
Бугун Жаҳон банкининг Марказий Осиё бўйича тайинланган янги вакили Моту Кониши Тошкентга келди. Уни ҳукуматга таништириш мақсадида банкнинг вице-Президенти Шигео Катсу бошчилигидаги ҳайъат ҳам келган. Мазкур ташрифнинг мақсади Ўзбекистондаги ҳамкасблар билан ҳамкорлик доирасини кенгайтириш, бир қанча лойиҳаларни қўллаб қувватлашди, дейдилади маҳаллий матбуотда пайдо бўлган хабарда.
22:00 - “Нур”чиларга ҳукм ўқилди
Бугун жиноят ишлари бўйича Тошкент шаҳар судида “Нур”чилар диний оқимига мансубликда айбланаётган шахсларга нисбатан ҳукм ўқилди. Суд мажлисида иштирок этган мухбиримизнинг билдиришича, Баҳром Ибрагимов ҳамда Даврон Кабиловга 12 йилдан, Равшанбек Вафоевга 10 йил, Абдулазиз Дадахонов ва Ботир Эшқўзиевга 8 йилга озодликдан маҳрум этиш жазоси тайинланди. Жазони умумий тартибдаги колонияларда ўташ белгиланди. Аввалги суд мажлисида - музокара пайтида давлат айбловчиси судланувчиларга айнан шундай жазо белгиланишини сўраган эди. Сиёсий аҳамиятга эга мазкур маҳкама Ўзбекистон режимининг истагини қонунлаштирди, дейди мухбиримиз.
19:00 - Казахстан вышел из энергосистемы стран Центральной Азии
Энергосистема Казахстана с сегодняшнего дня перешла на раздельный режим работы с объединенной энергосистемой Центральной Азии. «Данная мера позволит обеспечить надежность энергоснабжения отечественных потребителей и устойчивость работы Национальной электрической сети», - сообщили в пресс-службе компании «КЕГОК», управляющей энергосетями республики.
По словам начальника по связям с общественностью компании «КЕГОК» Мурата Мухамедсалиева, с февраля текущего года «наблюдается дисбаланс производства и потребления электроэнергии в Центральной Азии», в частности внеплановое потребление таджикской энергосистемой достигло 84 млн кВтч. По его словам, из-за этого произошло 4 аварийных разрыва транзита с отключением на юге Казахстана и в центральной его части с ограничениями от 230 до 360 МВт.
«В условиях отсутствия резервов мощности в энергосистемах стран Центральной Азии разделение транзита угрожает каскадным снижением частоты с последующим полным погашением потребителей», - уточнили в «КЕГОК».// ИТАР-ТАСС
18:00 - Виталий Пономарев Қирғизистондан хам қувилди
Машҳур рус ҳуқуқ ҳимоячиси, бутун Марказий Осиё демократларининг дўсти, Москвадаги “Мемориал” ташкилотининг Марказий Осиё программасининг раҳабари Виталий Пономарев бугун эрталаб Бишкекдан депортация қилинди. “Мемориал” тарқатган хабарга қараганда, бугун Виталий Понамарев Москвадан Бишкекка учиб келган, аммо Манас аэропортидаги қирғиз чегарачилари сабабини ҳам айтмасадн уни орқага қайтариб юборишган.
Кейин маълум бўлишича, Қирғизистоннинг Миллий Хавфсизлик Комитети шу 24 февралда Виталий Пономаревни бу мамлакатга 5 йил киритмаслик ҳақида қарор чиқарган экан.
Виталий Пономарев қайта қуриш йилларидан бери Марказий Осиёда демократик жарёнларнинг боришини кузатиш билан шуғулланади. Халқаро ташкилотлар уни бу соҳада асосий экспертлардан бири ҳисоблашади. У1998 йилдан бери “Мемориал”нинг Марказий Осиё программасига раҳбарлик қилади. У Ўзбекистондаги аҳвол билан жуда кўп шуғулланган. Унинг иштирокида Ўзбекистондаги сиёсий ва диний сабаблар билан қамалаганларнинг рўйхати яратилган, яқинда рўйхатнинг янгиланган версияси тайёрланганини сайтимизда ҳам билдиргандик.
БМТнинг Қийноқларга қарши кураш комитетида икки марта Ўзбекистондаги аҳволнинг кўрилишида ҳам Виталий Пономаревнинг роли катта бўлган. Маълумки, БМТ Комитетининг иккинчи мажлисида “Ўзбекистонда қийноқлар систематик қўлланиши” эътироф этилган ва Ўзбекистон ҳукуматига аҳволни тузатиш учун талаб руҳидаги тавсиялар берилган.
Аввалроқ Ўзбекистон ҳукумати ҳам Виталий Пономаревни мамлакатмизга киритмай қўйганди. Қирғизистон ҳукумати ҳам шу йўлдан бораётгани, бу малакатда демократик жараёнлар орқага кетаётганининг яна бир исботидир.
Табиий, ўзбек демократлари Қирғизистон ҳукуматининг бу қарорини кескин қоралашади.
Ким кимдир? Who is Who?Добавить
персону
Носир Зокир
"Бирлик"нинг Наманган вилоятидаги асосчиларидан, партиянинг шу вилоят ташкилоти раиси
Добавить сведения