17 February 2009
04:00 -
23:30 - Абдураҳим Пўлат: Ҳомийлик ҳаракати Европадаги ўзбеклар ичида кенгаймоқда
23:00 - Ислом Карим АҚШ армияси генералини қабул қилди
23:30 - Абдураҳим Пўлат: Ҳомийлик ҳаракати Европадаги ўзбеклар ичида кенгаймоқда
23:00 - Ислом Карим АҚШ армияси генералини қабул қилди
23:30 - Абдураҳим Пўлат: Ҳомийлик ҳаракати Европадаги ўзбеклар ичида кенгаймоқда
Мамлакатимздаги ҳозирги режим Марказий Осиёда ҳар доим етакчи бўлган ўзбекларни иккинчи даражали миллат ҳолига келтирди. Энди бу аҳволдан чиқиш осон бўлмайди. Биз туркий халқларни бирлаштириш тарафдори бўлганимиз учун Турк дунёсида ички мусобақани оловлантириш ниятимиз йўқ. Аммо, ўзбекларни иккинчи даражаги туширилишига ҳам кўз юмолмаймиз. Нималардир қилиш керак ва биз, яъни ўзбек демократлари, имкон доирасидаги ҳар нарсани қилмоқдамиз.
Ҳозирги шароида Ўзбекистонда буюк ўзгаришлар қилоладиган ягона потенциал куч демократлардир. Тинч ва демократик йўллар билан ҳокимиятга келиш учун кучли мухолифат партияси яратилиши керак. Ҳозир ҳар бир ақли расо одам кўриб турибдики, бундай мухолифат партиясининг ўзаги - халқ ўрасида чуқур илдизлари бўлган, Ўзбекистоннинг мустақиллиги учун курашда ҳал қилувчи роль ўйнаган, мустақиллик эълонидан кейин тор-мор қилинган мухолифатни қайтадан оёққа туришида етакчилик қилган - “Бирлик” бўлади, бошқа ташкилот йўқ, яқин орада бўлолмайди ҳам.
Бу кунда биз Андижон воқеаалридан кейин фалаж бўлган ўзбек демократик мухолифатни қайтадан оёққа қўйиш учун жиддий фаолият олиб бормоқдамиз. Бундай фаолият ошкоралик бор бўлган, ҳукуматдан мустақил оммавий ахборот воситаларига бўлган жамиятдагина тез натижа бериши мумкин. Шу сабабли “Ҳаракат” сайти ва “Ҳаракат” журналининг савиясини ошириш ҳамда уларни халққа етиб боришини таъминлаш ишига ҳам катта эътибор бермоқдамиз.
Аммо, бундай фаолият жамиятнинг ёрламисиз бўлмайди. Жамиятга таянмаган ҳар қандай ташкилот секин-аста кимларнингдир қўлидаги қўғирчоққа айланади.
Ҳар қандай ташкилотни жамият манфаатлари йўлида хизмат қилишга мажбур қилиш, айни замонда, жамиятни демократик жараёнларга жалб қилишнинг бирдан бир йўли – ҳомийлик/спонсорлик ҳаракатини йўлга қўйишдир. Ривожланган мамлакатларда бу нарса аллақачон йўлга қўйилган.
Биз ўзбеклар ҳам шу ишни қилолсак, Марказий Осиёда демократик жараёнларнинг етакчисига айланамиз, лидерлигимизни тиклаймиз, чунки қўшниларимиз бундай фундаментал нарсадан хабарлари ҳам йўқдек кўринмоқда.
Ўзбекистондаги сиёсий вазиятдан келиб чиқиб, мамлакат ичида ҳомийлик ҳаракати яратиб бўлмаслигини ҳамма тушунса керак. Шу сабабли, ҳозир чет элларага маҳнат муҳожири сифатида чиқиб кетган ўзбекларга, улар ичида янгидан шаклланаётган зиёлилар синфининг вакилларига мурожаат қилиб, бизга моддий ёрдам беришга чақирмоқдамиз. Дунёдаги иқтисодий бўҳрон чуқурлашиб борар экан, ёрдам бериш қийинлашиб боришини ҳам тушунамиз. Аммо, томчи-томчи кўл бўлар деганларидек, ҳар қандай ёрдамни мамнуният билан қабул қиламиз.
Мурожаатларимиз ерда қолаётгани йўқ. Аввалги хабар ва мурожаатлармизда бизга ҳомийлик қўлини чўзганлар ва уларнинг бераётган ёрдамлари ҳақида доим маълумот бериб келдик.
Бугун ҳам мамнуният билан билдирмоқчиман, шу кунларда Германияда яшайдиган ўзбек тарафдоримиздан 100 евро (тахминан 150 доллар) миқдорида ёрдам олдик. У ўз ёрдамини Швециядаги банк ҳисобимизга ўтказган.
Камтаринлик туфайли исми очиқланишини истамаган тарафдоримизга миннатдорчилигимизни билдириш билан бир қаторда, ҳозир чет элда яшаётган ўзбек муҳожирларига, биринчи навбатда, ўзбек зиёлиларига мурожаат қилиб, ҳозирги иқтисодий қийинчликларни ҳам ҳисобга олган ҳолда, яъни, имкон доирасида бизга ёрдамчи бўлишга, бизга ҳомийлик қилишга чақираман.
Бундай олийжаноб ишга қўшилишни истаганлар учун қуйидаги маълумотларни эслатаман.
1. АҚШ ва Канадада яшаётганлар ўз ёрдамларини «Uzbekistan Associates – Harakat» номига ёзилган чек ёки «Money order» воситасида ташкилотнинг қуйидаги адресига юборишлари мумкин:
Uzbekistan Associates – Harakat
7318 Fountain Spring Ct
Springfield, VA 22150
2. Европада яшаётганлар ўз ёрдамларини Швециянинг Swedbank банкида «Association Central Asia» ташкилоти номига очилган қуйидаги ҳисоб рақамига ўтказоладилар:
Association Central Asia
IBAN = SE18 8000 0821 4999 4259 1562
SWIFT/BIC = SWEDSESS
Швециянинг ўзида яшаб, Швед кронида пул ўтказиш истаганлар учун банк ҳисоби:
Association Central Asia
Clearingnummer 8214-9
Kontonummer 994 259 156 2
23:00 - Ислом Карим АҚШ армияси генералини қабул қилди
Кутилганидек (аввалги хабарларимизга қаранг), юртимизга сафар қилган АҚШ Қуролли кучлари Марказий қўмондонлиги қўмондони Дэвид Петреусни президент Ислом Карим қабул қилди. Расмий хабарда айтилишича, АҚШ генерали ва Ислом Карим минтақавий хавфсизлик, халқаро терроризм, наркотраффик ва оммавий қирғин қуролларини тарқатишга қарши кураш масалаларини муҳокама қилган.
Хабарларда АҚШ генералининг бошқа идораларда қабул қилингани айтилмайди. Расмий хабарнинг қисқа берилиши Ўзбекистоннинг АҚШ билан муносабатлар масаласида эҳтиёткорлик қилаётганини кўрсатади, дейди мухбиримиз.
Вазирлар Маҳкамасининг маъсул ходими Мирмуҳсин Акбаров энди ҳибсга олинибди
Янги йил арафасида Ўзбекистон Вазирлар Маҳкамасининг ижтимоиёт комплекси раҳбари Мирмуҳсин Акбаровнинг олий ўқув юртларига қўшимча талаба қабул қилиш, илмталаблардан пул йиғиб олишда айбланиб, ҳибсга олингани ҳақида хабар қилгандик. Бу хабар кейинчалик ўз тасдиғини топмаганди. Афтидан ўша пайтда бу мулозимнинг қамалиши борасида фаришталар дуога қўл очган кўринади. У Тошкент шаҳар прокуратураси томонидан куни кеча ҳибсга олинган ва ишончли манбаларга кўра, 64/1-муассаса (Тоштурма)да ўтирибди. Унга нисбатан Ўзбекистон Репсубликаси ЖКнинг 168-моддаси (Фирибгарлик), 205-моддаси (Мансаб ваколатини суиистеъмол қилиш) билан жиноят иши қўзғатилган.
20:00 - Наманганда Камолиддин Раҳимовнинг ижодий кечасида ҳоким ҳам бирликчилар ҳам сўз олишди
Кеча Намангандаги Алишер Навоий номли театр биносида Ўзбекистон халқ артисти, машҳур ҳофиз Камолиддин Раҳимовнинг ижодий кечаси бўлиб ўтди. Санъатчининг мингдан ортиқ мухлиси иштирок этган кечада, мамлакатимизнинг деярли барча вилоятларидан келган унинг шогирдлари ҳам ҳофиз яратган қўшиқларни ижро этишди.
Бу ерда сўз олган вилоят ҳокими Икромжон Нажмиддинов уч марта тўй қилганда Камолиддин Раҳимовга одам жўнатиб туйга олиб кела олмагани, бундан хафа эмаслиги, аммо ҳокимининг ҳам илтимосини ерда қолдирган ҳофиз оддий халққа ваъда берилгани учуна бу ерга келиб мардлик кўрсатганини айтди.
Кечада Камолиддин Раҳимовнинг аксарият қўшиқларига соз чалиб бериб, у билан 22 йил бирга ижод қилган «Бирлик» Партияси Наманган вилояти ташкилоти раиси Носир Зокир ҳам иштирок этди, ўз устози ҳақида илиқ фикрлар айтиб, уни табриклади.
Ижодий кеча жўшқин ва байрамона тусда ўтди, наманганликлар ҳақиқий миллий қўшиқчилик санъатидан баҳраманд бўлишди.
Табиий, сўзга чиққан ҳоким ва унинг ўринбосарлари ҳамда сарой шоирлари ҳамма диктатураларга хос анъанага риоя қилиб, ҳукуматга, хусусан президентга ҳамду санолар ўқиб ўтишдан ўзларини тийишолмади. Ҳофизнинг мухлислари бир-бирларига “бу сўзларнинг ижод кечасига нима алоқаси бор" дея пичирлашди, кулимсирашди.
Расмда: мухбиримиз ўз архивидан тополган Камолиддин Раҳимовнинг эски расми. У кечаги концертда расм олиш имконига эга бўлмаган.
13:30 - АҚШ генерали Дэвид Петреус Тошкентда
Reuters агентлигининг Олма-Отадаги мухбири Мария Головнина АҚШнинг Тошкентдаги элчихонасига асосланиб хабар беришича, АҚШ ҳарбий кучларининг Яқин Шарқдаги қўмондони генерал Дэвид Петреус бугун Тошкентга келган. Унинг президент Ислом Карим билан ҳам учрашуви режалаштирилган. Америкалик генерал Афғонистондаги ҳарбий кучларини таъминлаш учун ҳарбий бўлмаган юкларни темир йўллар орқали Ўзбекистон ҳудудан ташиш масаласини гаплашиш учун келган. Бир Ғарб дипломати Ўзбекистон ва АҚШ бу соҳада шартнома имзолашга яқин эканлигини билдирибди.
Россияниннг босими остида Қирғизистон АҚШнинг Манас ҳарбий базасини бекитиш арафасида экан, Россиянинг тўла вассали бўлган Ислом Карим АҚШ билан алоқаларни риожлантираётгани - унинг Россияга қарши чиқишими?
Йўқ, албатта. Ўзбекистон президенти ҳамма нарсани Москванинг буйруғи билан қилмоқда. Москва АҚШни Марказий Осиёдан сиқиб чиқаришда қатъий ҳаракат қилаётган бўлса ҳам, бугун у билан маълум маънода ҳамкорлик қилишга мажбур. Бир тарафдан, Россия Афғонистонда исломчиларнинг кучайишидан қўрқади ва шу сабабли уларга қарши урушаётган АҚШни қўллаши керак. Иккинчи тарафдан, иқтисодий бўҳрон Россяини бўғиб келаркан, эртага Россия АҚШнинг ёрдамига муҳтож бўлиб қолиши табиий.
Айнан шулар сабабли, Россия президенти Дмитрий Медведевнинг яқинда Тошкентга қилган сафари арафасида тахмин қилганимиздек, у режимбошига америкаликларга ёрдам бериш кераклиги хусусида топшириқ бериб кетган. Айтиш керакки, Россиянинг ўзи ҳам бу масалада АҚШга ердам беришини билдирди. Қолаверса, Ўзбекистондан ўтадиган юклар Қозоғистон ва Россия орқали Европадан келиши ўз-ўзидан маълум.
Ўзбекистон-АҚШ муносабатларининг шу шаклда бўлса ҳам ривожланиши - демократик мухолифат томонидан олқишланиши ва қўллаб-қувватланиши керак бўлган воқеадир.
12:00 - Туркия-Исроил-АҚШ: Мураккаб муносабатлар
Туркия совуқ уруши замонларидан бери НАТОнинг, хусусан АҚШнинг стратегик иттифоқчиси бўлиб келган. АҚШ Ироққа қарши уруш бошлаш арафасида ўз итифоқчиси Туркиянинг ёрламига муҳтож эди. Аммо, Туркия парламенти бир неча кишилик кўпчиликнинг овози биланАҚШ қўшинларига Туркия орқали Ироққа кириш рухсатини бермади. АҚШ эса Туркия билан алоқаларни бузмаслик учун, бу масалани ортиқча оловлантириб ўтирмади.
Бундан бир неча ой илгари Туркия авиацияси феълан АҚШ қўли остида бўлган Ироқ ҳудудларидаги курд террористларининг базаларини бомбардимон қилишга бошлаганда ҳам, АҚШ бунга кўз юмди.
Маълумки, шу кунларда Туркия-Исроил орасида дипломатик жанжал чиқди. 29 январь куни Швецариянинг Давос шаҳрида ўтаёган Дунё Иқтисодий Форумида Туркия Бош вазири Ражаб Тойиб Эрдўғон Фаластинлиларга қарши Исроил олиб бораётган уруш туфайли унинг президенти Шимон Перессга “Сиз одам ўлдиришни яхши биласиз”, деди ва “Бу Форум мен учун битти, унда бошқа қатнашмайман” деб мажлисни тарк этти.
Бу хусусда Исроил Ташқи ишлар вазирлиги тарқатган баёнот анчагина юмшоқ бўлса ҳам, арманилар Туркияни 1915 йилда ўзларига қарши қатлиом ўтказишда айблашаётгани эслатилади ва бу маслада Исроил арманиларни қўллаб-қувватлаши мумкинлигига имо-ишора қилинади. Яна бир неча кундан кейин Исроил пиёда қўшинлари Бош штабининг раҳбари бўлган бир генерал Туркияни аввал арманиларга, ҳозир эса курдларга қарши қатлиом қилишда айблади ва Ражаб Тойиб Эрдўғон бировни айблашдан олдин ойнага қараб олиши кераклигини қўпол равишда гапирди.
АҚШ ўзининг икки стратегик иттифоқчиси ўртасидаги бу дипломатик жанжалга қандай муносабатда бўлиши ҳаммани қизиқтирарди. Кеча тарқатилган хабар, маълум маънода, қизиқувчиларнинг кўпчилиги учун жавоб бўлди, дейиш мумкин.
Турк оммавий ахборот воситаларининг билдиришича, кеча АҚШ президенти Барак Обама аввал Тукия Президенти Абдуллоҳ Гулга, кейин Бош вазир Ражаб Тойиб Эрдўғонга телефон қилган. Обама Туркиянинг Ўрта Шарқдаги кескинликни юмшатишда катта роли борлигини таъкидлабди ва АҚШ-Туркия иттифоқи давом этишини билдирибди, турк лидерлари билан бу куннинг актуал масалаларини муҳокама қилибди. Абдуллоҳ Гул билан суҳбат таржимонсиз бўлибди.
Табиий, бу иккала телефон суҳбатида ҳам Туркия-Исроил ўртасидаги дипломатик жанжал тилга олинмаган, аммо, турк матбуотининг фикрича, Обаманинг айнан жанжал давом этаётган замонда телефон қилиши тасодиф эмас. Дарвоқе, бир неча кун аввал Россияга расмий сафар қилган Абдуллоҳ Гул кутилмаганда бу мамлакатнинг ҳақиқий хўжайини Путин томонидан қабул қилингани ҳам Туркия матбуотида маъноли сигнал сифатида баҳоланмоқда.
Расмларда:
1. Давосдаги форумни тарк этаётган Эрдўғон.
2. АҚШ президенти Барак Обама.
Ким кимдир? Who is Who?Добавить
персону
Дадажонов Исмоил
"Бирлик" Халқ Ҳаракати тузилган 1988 йилдан бери унинг фаоли бўлган Исмоил Дадажонов 2003 йили "Бирлик" Халқ Ҳаракати асосида тузилган "Бирл...
Добавить сведения