09 February 2009
04:00 -
23:45 - Алишер Навоийнинг туғилган кунини нишонлаш анъанаси қандай бошланганини яна бир эслайлик
23:30 - “Эзгулик”нинг Андижон вилоят бўлимига яна рад жавоби келди
- Қирғиз парлам
23:30 - “Эзгулик”нинг Андижон вилоят бўлимига яна рад жавоби келди
- Қирғиз парлам
23:45 - Алишер Навоийнинг туғилган кунини нишонлаш анъанаси қандай бошланганини яна бир эслайлик
“Бирлик” лидери Абдураҳим Пўлатнинг бунга оид хотиралари 2007 йил 11 февралдаги хабаримизда қуйидагича берилган эди:
- 1990 йилнинг февраль ойи бошларида Алишер Навоийнинг унинг номи билан аталувчи проспектдаги ҳайкали олдида бир йиғилиш ўтказишга, ҳайкал пойига гуллар қўйиб ва унинг шеърларидан ўқиб, бобакалонимизга ҳурматимизни кўрсатишга қарор қилдик. Чунки у йилларда Навоий ва бошқа улуғларимизни фақат катта юбилейлардагина оммавий шаклда эслашарди.
Эрталаб у ерга келган бир гуруҳ бирликчилар муҳташам (бу сўзни ҳеч бир кесатиқсиз ишлатмоқдаман) бир саҳнага дуч келдик. Ҳайкал олдида жуда кўп одам йиғилган бўлиб, ҳақиқатдан ҳам йирик бир “тадбир” режалаштиргани маълум бўлди. Университет ректори Эркин Юсупов, ёзувчи Пиримқул Қодиров ва бошқа жуда кўп таниқли исмлар шу ерда эди. Бироздан кейин турли ташкилотлар номидан ҳайкал остига гуллар қўйила бошланди. Бу “тадбир”нинг асл ташкилотчиси сифатида биз ўзимиз билан олиб келган “Бирлик”нинг номи ҳам кўрсатилган гулчамбарни энг марказга жойлаштирдик. Лекин у ердаги расмийлар уни четга суриб қўйишганини ҳам кўрдим, чунки турли мухбирлар томонидан расм олиш бошланганди. Бир неча одам (ҳозир эсимда йўқ) қисқа-қисқа нутқ қилишди ҳам. Кейинчалик ҳар йили шоирнинг туғилган йили шу шаклда нишонланишга бошланди.
Тушундикки, ҳокимиядагилар биз режалаштирган “тадбир” жамиятда катта резонанс беришни фаҳмлаб, ташаббусни ўз қўлларига олишга қарор қилишган экан. Биз бунга рашклик кўрсатмадик, чунки, мақсадимиз, буюкларимизга ҳурмат кўрсатиш эди ва биз бунга эришдик.
Демоқчиманки, Алишер Навойийнинг туғилган кунини улуғ тўй сифатида ўтказиш анъанаси “Бирлик” Халқ Ҳаракати тарафидан яратилган. Биз бу билан фахрланишимиз керак, фахрланамиз ҳам.
Бугун “Бирлик” Партияси раиси Абдураҳим Пўлат шу эсдаликларига баъзи аниқликлар киритди.
Воқеа 1990 эмас, 1991 йилда бўлган, дейди у. Бу фактни менсиз ҳам аниқлаштириш мумкин, лекин, баъзи фактлар буни жуда яхши тасдиқлайди. Маълумки, 1990 йилнинг март ойида Паркентда месхет турклари ва маҳаллий аҳоли ўртасида тўқнашувлар бўлди. Воқеаларни сокинлаштириш ўрнига уларга ёғ сепган Совет Армияси аскарлари бир неча кишини ўлдирдилар ҳам. Биз бу воқеалар расмий ўрганилиши кераклигини, акс ҳолда митинглар бошлашимизни билдирганимиздан кейин, Олий Мажлисда Пиримқул Қодиров бошчилигида махсус парламент комиссияси тузилди. Бундай нарсаларга ақли етмайдиган одам бошчилигида комиссия тузилиши бизни алдаш учунгина қилинганини яхши тушунардик. Шундай бўлса ҳам, парламентга бир неча марта мурожаат қилиб, комиссиянинг иши хусусида маълумотлар очиқланишини талаб қилдик, аммо ҳеч натижа бўлмади.
Мен “Бирлик” халқ ҳаракати таркибида тузилган Ўзбекистон Демократик Партиясининг расмий органи бўлмиш “Демократик Ўзбекистон” газетасининг 1991 йил январь ойида чиққан биринчи сонида “Пиримқулми ёки оддий қул” деган лавҳа эълон қилдим ва Пиримқул Қодиров каби тузумнинг қуллари бор экан, бизда ҳеч нарса ўзгармаслигини ёздим. Бу нарса Пиримқул акага етказилган деб ўйлайман, 1991 йил 9 февраль куни Алишер Навоий ҳайкали олдида бўлган маросим пайтида у киши менинг одимга келиб, Паркент воқеалари шунчалик чалкаш эканки, уларнинг тагига етиб бўлмади, деб арз қилгандек ва ўзини оқлагандек бўлди. Мен у кишига: “Ҳукумат атайлаб Сиз каби бу ишни тушунмайдиган одамлардан комиссия тузган эди. Сизни миллатга қарши уйинчоқ каби ишлатишди. Биз шундай бўлишини билар эдик. Нима қиласиз, кучингиз етмайдиган ишларга аралашиб. Қўйиб беринглар, бу каби ишларни тушунадишган одамлар қилсин”, дедим.
Расмда - Алишер Навоийнинг Тошкентдаги янги ҳайкали. Унинг Навоий преспектидаги эски ҳайкалининг расмини тополмадик. Кимдир шу расмни тополcа, илтимос, бизга юборсин.
23:30 - “Эзгулик”нинг Андижон вилоят бўлимига яна рад жавоби келди
Бўлим раҳбари Саиджаҳон Зайнобиддин тарқатган хабарга кўра, Адлия вазирлигининг вилоят бошқармаси 26 январда ёзган хатида (№ 07/26) “Эзгулик” вилоят бўлимининг рўйхатдан ўтиш бўйича аризаси рад этилгани билдирилган. Рад жавоби учун кўрсатилан баҳона шунчалик мантиқсизки, “Эзгулик”нинг вилоят еткчиси бу ерда қандайдир тушунмовчилик бўлса керак дея жавобни оммавий ахборот воситаларига очиқламаган.
Аммо, Саиджаҳон Зайнобиддининг Адлия бошқармасидагилар билан мулоқотлари кўрсатганки, бу ерда тушунмовчилик йўқ, ҳукумат одамлари ҳеч бир юридик асоси бўлмаган нарсани рўкач қилиб, “Эзгулик”нинг Андижон вилоят бўлимини қасдддан рўйхатга олмаяптилар.
Вилоят бошқармасининг баҳонаси қуйидагича. Рўйхатдан ўтиш учун ариза берилган пайтда “Эзгулик”нинг вилоят бўлими хусусий “Гули” фирмасидан кирага жой олиш хусусида тузган шартномаси, “Эзгулик”нинг вилоят бўлими у пайтда ҳали рўйхатдан ўтамагани учун ноқонуний эмиш. Ваҳоланки, рўйхатдан ўтиш учун топшириладиган ҳужжатлар рўйхатида шундай шартнома бўлиши шартлиги кўрсатилган.
Бугун Саиджаҳон Зайнобиддин бу масала бўйича Ўзбекистон Омбудсманининг Андижон вилояти бўйича вакили, Олий Мажлис сенатори Мамазоир Хўжамбердиевга ариза билан мурожаат қилиб, ёрдам сўради.
Қирғиз парламентининг комитети АҚШнинг Манасдаги ҳарбий базасини бекитиш қарорини тасдиқлади
Бугун Қирғизистон Юқори Кенгашининг Ташқи ишлар комитети ўз ҳукуматининг Бишкекда жойлашган АҚШ ҳарбий базасини бекитиш хусусидаги қарорини тасдиқлади. Эслатиб ўтамиз, қирғиз ҳукумати АҚШ билан бу ҳарбий базанининг БМТ мандати бўйича яратилиши хусусидаги шартномани бир неча кун олдин Москванинг босими остида бекор қилиш қарори олган эди.
Қирғиз оммавий ахборот воситаларининг хабарларига кўра, Комитет мажлисида қатнашган Ташқи ишлар вазири Қодирбек Сарбоев, Комитет раиси Лейла Сидикова ва Комитетнинг аъзолари бир овоздан бу база ўз вазифасини бажариб бўлгани, АҚШ тарафи қирғиз ҳуқуматининг молиявий ва экаолигик талабларига қулоқ солмаётганини гаприб, ҳукуматнинг қарорини тўғри деб топганлар. Хуллас, Комитет ҳукуматнинг қарорини қўллаб-қувватлаган ва парламентни ҳам шундай қилишга чақирган. Бу қарорга қарши чиққан биронта одамнинг борлиги хабарларда айтилмайди. Кўринишидан, бундай одамнинг ўзи йўқ. Ҳукумат-мухолифат бу масалада бир позицияда турганга ўхшамоқда.
23:00 - Абдураҳим Пўлат: Спонсорлик/ҳомийликни оммавийлаштириш демократларнинг вазифаларидан бири
Ўзбекистон фақат иқтисодий эмас, ҳар томонлама кризис ичида эканлиги ҳозир ҳаммага равшан. Бу минтақаларда кўп асрлардан бери етакчи роль ўйнаган, дунёнинг иккинчи расадхонасини қурган, Бируний ва Бухорий каби фарзандлари бўлган биз ўзбеклар бугун ҳамма соҳларда орқа қаторларга ўтиб қолдик.
Агар “Ҳамма нарса Оллоҳдан” ақидасини хато шаклда ақлимизга киритганларга ишониб юраверсак, ҳеч нарса қилишимиз ҳам керак эмас. Чунки, Оллоҳ бизга мараҳамат қилмоқчи бўлса, Унинг Ўзи вақти келиб бизни бу аҳволдан қутқаради.
Аслида, ҳамма нарса Оллоҳнинг баракатидандир, аммо ҳаракатни ўзимиз қилишимиз керак. Биз бирликчилар шундай қилмоқдамиз. Лекин, бу бир партиянинг иши эмас, бу ўзбек жамиятининг иши.
Шу сабабли, биз жамиятни ўз тақдири учун курашишга тортиш учун кўп ҳаракат қилмоқдамиз ва ҳаракатларимиз давом этаверади.
Ҳамма жамиятларда бўлгани каби ўзбек жамиятининг ҳам мотори зиёлилардир. Мен бир қатор маақолаларимда Совет замонида ўзбек зиёлилари синф сифатида йўқ қилинганини ёздим. Бу – менинг фантазиям эмас, ҳақиқат эди. Буни исботлаш учун етарлича факт ва аргументлар келтириш мумкин. Табиий, мен зиёли деганда олий маълумотли эканлигини кўрсатувчи дипломлари бор одамларни тушунмайман. Гап дипломда эмас. Зиёли, биринчи навбатда, миллат тақдирини ўз тақдири, ўз оиласининг тақдири каби ўзлигининг бир парчаси деб ҳисоблайдиган инсондир. Ҳозир чет элларага маҳнат муҳожири сифатида чиқиб кетган ўзбеклар ичида янгидан шаклланаётган зиёлилар синфининг вакиллари ҳам бор. Уларнинг ҳар бири ўзича миллат тақдири билан шуғулланаётганига, бир нарсалар қилиш учун ҳаракат қилаётганига ишонаман.
Аммо, ҳар қандай иш бугуннинг реалликлари асосида бўлиши керак. Бугун миллатнинг тақдирини ўзгартироладиган бирдан-бир омил демократиядир. Бугун Ўзбекистоннинг тақдирини ўзгартиришга қодир бўлган ягона куч - демократик мухолифатдир, унинг ўзагини эса, “Бирлик” Партияси ташкил қилади.
Бугун оммани демократик жараёнларга жалб қилмасдан ҳеч нарса қилиб бўлмайди. Биз сайтларимиз, бундан ҳам муҳими Ўзбекистон ичида тарқатилаётган “Ҳаракат” журнали орқали миллатни ҳозирги режим туширган информацион вакумдан чиқаришга ҳаракат қилмоқдамиз. “Ҳаракат” сайти шу йўналишда иш олиб бораётган ягона сайтдир. Аввалари ҳам кўп марта таъкидланганидек, бу ишни ўзбек жамиятнинг бугунги эҳтиёжлари даражасига кўтариш учун моддий ёрдамга муҳтожмиз.
Мурожаатларимиз ерда қолаётгани йўқ. Аввалги хабар ва мурожаатлармизда бизга ҳомийлик қўлини чўзганлар ва уларнинг бераётган ёрдамлари ҳақида доим маълумот бериб келдик.
Бугун ҳам мамнуният билан билдирмоқчиман, шу кунларда асли Тошкентлик, лекин ҳозир Нью-Йоркда яшаб меҳнат қилаётган бир кишидан 200 доллар миқдорида ёрдам олдик. У шахсан Вашингтонга келиб, мен билан учрашди ва турли ёрдамларга ҳозирлигини билдирди. Янги ҳомийлар топиш ва “Ҳаракат” журналини чиқаришад ёрдамчи бўлиш истагини билдирди. Табиий, унинг таклифлари қабул қилинди.
Камтаринлик туфайли исми очиқланишини истамаган тарафдоримизга миннатдочилигимизни билдириш билан бир қаторда, ҳозир чет элда яшаётган ўзбек муҳожирларига, биринчи навбатда, ўзбек зиёлиларига мурожаат қилиб, ҳозирги иқтисодий қийинчликларни ҳам ҳисобга олган ҳолда, бизга ёрдамчи бўлишга, бизга ҳомийлик қилишга чақираман.
Бундай олийжаноб ишга қўшилишни истаганлар учун қуйидаги маълумотларни эслатаман.
1. АҚШ ва Канадада яшаётганлар ўз ёрдамларини «Uzbekistan Associates – Harakat» номига ёзилган чек ёки «Money order» воситасида ташкилотнинг қуйидаги адресига юборишлари мумкин:
Uzbekistan Associates – Harakat
7318 Fountain Spring Ct
Springfield, VA 22150
2. Европада яшаётганлар ўз ёрдамларини Швециянинг Swedbank банкида «Association Central Asia» ташкилоти номига очилган қуйидаги ҳисоб рақамига ўтказоладилар:
Association Central Asia
IBAN = SE18 8000 0821 4999 4259 1562
SWIFT/BIC = SWEDSESS
Швециянинг ўзида яшаб, Швед кронида пул ўтказиш истаганлар учун банк ҳисоби:
Association Central Asia
Clearingnummer 8214-9
Kontonummer 994 259 156 2
21:30 - “Ҳаракат” журналининг навбатдаги сони ўқувчилар қўлига тегди
Сиёсий мухолифатнинг ягона нашри бўлган “Ҳаракат” журналининг 2008 йил сентябр-октябрь ойларига мансуб 5 (74) сони босмадан чиқди ва унинг бир қисми Ўзбекистонга етиб келди ҳам. Журналхонлар қўлига етиб борган нашр саҳифаларидан “Бирлик”нинг 4-Қурултойи йўлидаги ҳаракатлар стратегиясига оид мулоҳазалар, Марказий Осиёга нисбатан геосиёсий ўйинлар, Абдураҳим Пўлатнинг партия ичидан чиққан ғийбатчи-хунасаларга жавоби ва "Ўзбек демократларига Вашингтонда шок терапия дарси" номли мақоласи, партия Бош котиби, Ўзбекистон инсон ҳуқуқлари “Эзгулик” жамияти раиси Васила Иноят билан суҳбатлар ўрин олган.
Юқоридаги материаллар ва “Ҳаракат” агентлигининг янгиликлар тасмасидан олинган маълумотлар ҳамда инсон ҳуқуқлари жамиятларининг ахборот-релизларини сайтимиз ўқувчилари Интернет орқали ўқишлари мумкин, аммо улар информацион вакумда яшаётган ўзбеклар учун қанчалик муҳим эканлигини ортиқча гапириб ўтиришга ҳам ҳожат йўқ.
20:30 - Ислом Карим Индонезияга сафар қилмоқчи
Яқин орада Президент Ислом Карим Индонезия Республикасига сафар қилишни режалаштирмоқда. Эртага бу масалани пишитиш учун Ўзбекистон Ташқи ишлар вазири Владимир Норов бошчилигидаги делегация бу мамлакатга учиб кетади. Ўзбекистон бош дипломатининг сафари дамида Индонезия Ташқи ишлар вазири, ҳукумати, Президенти ҳамда ишбилармон доиралар билан учрашувлар ўтказиш кўзланган. Ўзбек матбуоти режимбошининг Индонезияга сафари борасида ҳалидан ноғора қоқмоқда. Вақтли матбуотдаги хабарларда Ислом Каримнинг 1992 йилда бу мамлакатга амалга оширган давлат сафари, Индонезия диктатори генерал Сухартонинг 1995 йилдаги жавоб ташрифи тафсилотлари тилга олинади.
19:30 - “Етти иқлим” газетаси ҳам ёпилди
Бироз муқаддам “Ирмоқ” номли илмий-маърифий журналнинг ёпилгани, унинг муассислари ва таҳририят ходимлари “Нур”чилар диний оқимига мансубликда айбланаёгани ҳақида Ўзбекистон инсон ҳуқуқлари “Эзгулик” жамиятининг маълумоти эълон қилинганди. Бугун маълум бўлишича, журналнинг муассиси ҳисобланган “Sharq-Prizma” маъсулияти чекланган жамиятининг яна бир нашри — “Етти иқлим” газетаси ҳам ёпилган. Ҳар икки нашрнинг муассислари бир бўлгани боис бу таҳририят ходимлари устидан ҳам суд жараёнлари бормоқда. Мухбиримиз билан боғланган судланувчиларнинг қариндошлари Ўзбекистон инсон ҳуқуқлари “Эзгулик” жамиятига мурожаат қилишгани, жамият жуналистларни ҳимоя қилишга киришганини айтишди.
Ким кимдир? Who is Who?Добавить
персону
Шовруқ Рўзимуродов
2001 йилда режим зиндонида ўлдирилган "Бирлик" халқ ҳаракатининг фаоли, Ҳаракатнинг Қашқадарё ташкилоти раиси,...
Добавить сведения