31 January 2009
04:00 -
23:30 - Юшченко-Тимошенко жанжали урушга айланаётганидан ўзбеклар ҳам сабоқ олишлари керак
23:00 - Прокурор ва ҳамтовоқлари 15 йилгача озодликдан маҳрум қилинди
1:30 -
23:00 - Прокурор ва ҳамтовоқлари 15 йилгача озодликдан маҳрум қилинди
1:30 -
23:30 - Юшченко-Тимошенко жанжали урушга айланаётганидан ўзбеклар ҳам сабоқ олишлари керак
Кеча кечқурун (маҳаллий вақт билан соат 19:30) Украина президенти Виктор Юшченко мамлакатнинг ҳамма телеканаллари орқали халққа мурожаат қилди. Матни таҳминан бир саҳифа эгаллайдиган мурожаат мамлакатнинг иқтисоди, бюджети ва молиявий аҳволини баҳолашга бағишланган. Юшченконинг фикрича мавжуд ҳукумат ва парламент кўплиги ёлғон, туҳмат тарқатиш билан овора бўлиб, миллий иқтисодни қутқариш ишини қилишга вақти ҳам йўқ.
“Давлатнинг молиявий системаси тамомийла балансини йўқотган. Молиявий таъминлаш етрасизлиги баҳонасида онгли равишда давлаn институтлари йўқ қилинмоқда”, дейилади мурожаатда. Парламент Марказий Банкни ўз назорати остига ўтказиб олиб, молиявий етишмовчиликни қоплаш учун пул босишни ўз қўлига олмоқчи. Бу - ҳали кўрилмаган даражада инфляцияни ошириши, ижтимоий ҳалокат юзага келиши мумкин.
Кейин Юшченко Россия-Украина ўртасида имзоланган табиий газ бўйича шартномага ўтди. Унинг фикрича, Украина тарафидан Тимошенконинг иштирокида келишилган шартномалар Украина манфаатларига зиддир. Тимошенко президентнинг кўрсатмаларига қулоқ солмаган ва ҳеч ким билан маслаҳатлашмасдан, қарорларни шахсан ўзи олган. Бунинг устига, 2009 йилнинг бюджети мутлақо асосланмаган. Бу кетишда, яқинда одамларга ойлик тўлаш учун маблағ топилмай қолади.
Буларнинг ҳаммасига, дейди Юшченко, Бош вазир Тимошенко ва унинг командаси айбдор. У мамлакатни бўҳронга обориб, сўнгра мухолифатга ўтиб, у ерда маъсулиятдан бекинолмайди.
Юшченко парламент раҳбари Литвинга ҳам мурожаат қилиб, тезлик билан 2009 йил учун реал шароитдан келиб чиқадиган янги бюджет қабул қилишга чақирган. У мурожаатининг сўнгида, одамларни сокинликка чақирган ва уларнинг манфаатларини ҳимоя қилиш учун етралича салоҳияти борлигини айтган.
Орада бир соат ўтар-ўтмас, Юлия Тимошенко баёнот тарқатиб, Юшченконинг мурожаатини “ёлғон, паника ва истерика” деб эълон қилди ва бюджет соҳасида ҳеч қандай муаммо йўқлигини таъкидлаш учун бўлса керак , январь ойида давлат бюджети тўла бажарилганини билдирди. Унинг баёнотида дунё ва Украина бўҳрон ичида эканлиги, аммо паника қилиш керак эмаслиги гапирилади ва президент Юшченконинг мурожаати ҳақорат даражасига бориб қолган сўзлар билан баҳоланади.
Хуллас, Юшченко ва Тимошенко ўртасида ойлардан бери давом этиб келаётган жанжал очиқ урушга айланди, дейиш мумкин. Зарғалдоқ инқилобининг икки лидери ўртасидаги бу уруш демократларнинг обрўсини туширади ва мавжуд бўҳрондан чиқишни яна ҳам қийинлаштиради.
Бу уруш-жанжалда ким ҳақ, ким ноҳақлиги, табиий, Украинанинг ички масаласи ва сўнги ҳукмни украинлар берадилар, дейди бу хусусда “Бирлик” Партияси раиси Абдураҳим Пўлат. Аммо, бу воқеа биз учун ҳам сабоқ бўлиши керак. Менимча, икки шахс ўртасидаги лидерлик курашида Тимошенко Россияга, Юшченко Ғарбга орқа қилаётгани борган сари равшанлашиб бормоқда. Зарғалдоқ инқилоби Россиядан мустақил бўлиш, Ғарбга яқинлашиш шиорлари остида ҳам бўлганини назарда тутсак, Тимошенко аввалги ғояларига ҳиёнат қилаётгандек кўринмоқда. Агар шундай булса, буни кечириб бўлмайди. Мен учун бу воқеадан чиқариладиган иккинчи хулоса – аввалари ҳам кўп марта айтганимдек, бир-бирига ғоявий яқин бўлган гуруҳларни коалицияга эмас, битта умумий ташкилотга бирлаштириш кераклиги. Мамлакат ва миллат манфаатлари шуни талаб қилади.
23:00 - Прокурор ва ҳамтовоқлари 15 йилгача озодликдан маҳрум қилинди
Куни кеча жиноят ишлари бўйича Тошкент шаҳар суди Ўзбекистон Республикаси Бош прокуратураси умумий назорат бошқармаси прокурори Фахриддин Нуриддиновни 15 йилга озодликдан маҳрум қилди. Прокурор хизмат мавқеини суиистеъмол қилиб, шериклари билан Асака автомабиль заводида машина харид қилиш учун навбатда турган 50 нафар шахснинг пулларини ўзлаштирган. Қонун ҳимоячисининг шериклари 7 йилдан 12 йилгача қамоқ жазоларига ҳукм қилинди. Мазкур гуруҳдан фуқаролар 1 миллион АҚШ доллари миқдорида жабр кўришган.
Бироқ бу прокурор мамлакат автомабиль бозори атрофидаги сон-саноқсиз раҳбарлардан ташкил топган коррупциянинг бир халқасидир, дейди мухбиримиз. Халқ чўнтаги ҳисобига бойиётганларнинг бошида давлат раҳбарлари, уларнинг энг яқин одамлари турибди. Мазкур коррупцион гуруҳларнинг манфаатларини қондириш учун мамлакатга кирадиган автомабилларга 100 фоизлик божхона тўловлари жорий қилинган. Яъни, кимдир 100 сўмга автомабиль ишлаб чиқаради, Ўзбекистон эса унга яна 100 сўм бож тўлови қўшиб мамлакатга киритади. Ҳатто тарихдаги энг золим пошшолар даврида ҳам бундай инсофсизлик бўлмаган.
1:30 - Францияда янги дипломатимиз иш бошлади
Мамлакатимизнинг Франция Республикасидаги элчиси этиб тайинланган Баҳром Аълоев мамлакат Президенти Никола Саркозига ишонч ёрлиғини топширди. Учрашувда Европа Иттифоқи билан алоқаларнинг тикланишида ўзига хос ҳисса қўшган Франция ва Ўзбекистон муносабатлари истиқоллари муҳокама қуилинди. Ўзбекистондаги расмий матбуот мамлакатлар орасидаги ўзаро муносабатларнинг янги босқичга кўтарилаётганини таъкидлаган.
Қашқадарёлик миршаббоши контрабандага ҳомийликда айбланмоқда
Қашқадарё вилояти Нишон тумани ИИБ бошлиғи, полковник Воҳид Абдуллаев Туркманистондан тамаки маҳсулотлари контрабандасига ҳомийлик қилганликда айбланмоқда. Маълумотларга кўра, уни МХХ Қашқадарё вилояти бошқармаси вакиллари қўлга олишган. Ўзбекистоннинг Талимаржон аҳоли пункти орқали контрабанда қилинадиган йирик миқдордаги тамаки маҳсулотлари бир неча марта миршабларнинг қаршилигисиз мамлакатга олиб кирилган. Туман ИИБ вакиллари контрабандасиларнинг йўлини тўсмаслик бўйича миршаббошидан буйруқ олганини айтиб кўргазма беришган. Абдуллаевнинг айнан қайси моддалар билан айбланаётгани, терговлар қай йўсинда бораётгани ҳақида маълумотлар йўқ, дейди мухбиримиз.
Ким кимдир? Who is Who?Добавить
персону
Сулаймонов Ҳамдам
"Бирлик" Халқ Ҳаракати тузилган 1988 йилдан бери унинг фаоли бўлган Ҳамдам Сулаймонов 2003 йилда "Бирлик" Халқ Ҳаракати асосида тузилган "Би...
Добавить сведения