19 January 2009
04:00 -
22:00 - Украина-Россия газ шартномаси имзоланди
18:00 - Индонeзияда янги дипломатимиз иш бошлаши ва бунинг атрофидаги баъзи мулоҳазалар
18:00 - Индонeзияда янги дипломатимиз иш бошлаши ва бунинг атрофидаги баъзи мулоҳазалар
22:00 - Украина-Россия газ шартномаси имзоланди
Бир неча соат илгари Москвада икки мамлакат бош вазирлари Юлия Тимошенко ва Владимир Путин иштирокида Россия газини Украинага сотиш ва Украина орқали Европага ташиш хусусида шартнома имзоланди. Украинанинг “Нафтогаз” ва Россиянинг “Газпрпом” ширкатлари ўртасида эканлиги алоҳида урғуланаётгани бу шартниомани уларнинг раҳбарлари Олег Дубина ва Алексей Миллер имзоладилар.
На шартноманинг ўзи на унинг асосий рақамлари эълон қилинмади. Владимир Путин имзолаш маросимидан кейин ўтказилган матбуот конференциясида шартнома 10 йилга мўлжаллангани, 2009 йил учун Украинага сотиладиган нарх 20 фоизга туширилиши, транзит нархи эса ўтган йилдаги даражада сақланиб қолишини гапирди. Аммо, газнинг нархи қайси нархдан 20 фоиз кам бўлишини айтмади.
Украина президентининг энергетика хавфсизлиги бўйича вакили Богдан Соколовский Россия газнинг нархини биринчи кварталга 360 доллар (бир минг куб метр учун) қилиб белгилаётганини айтган. “Газпром” раҳбари Алексей Миллер ва Украина Бош вазири Юлия Тимошенко журналистларнинг саволларига жавоб бериганда, газнинг йиллик ўртача нархи 250 доллардан камроқ бўлишини гапиришган.
Кўринишидан, бу ерда ҳеч ким ёлғон гапирмаяпти. Газнинг нархи турли шартларга қараб турлича белгиланса керак. Бунинг учун анчагина кўринадиган усуллар ишлатилади. Уларни мутахассис бўлмаган одамлар тушуниши фийин. Шу сабабли, ҳамма “газ нархи” деб айтилаётган мураккаб рақамлар тўпламининг ўзига фойдали томонини гапирмоқда.
Богдан Соколовский Юлия Тимошенк олиб борган музокараларнинг самарали бўлмаганини, Тимошенко Украина манфааталарини яхши ҳимоя қилмаганини кўрсатиш учун биринчи квартал рақамини гапирмоқда, Тимошенко эса, ўзини ғолиб қилиб кўрсатиш учун - йиллик ўртача рақамларни.
Владимир Путин кеча ва ўтган куни бир неча марта нефть нархидан кейин газ нархи ҳам кескин тушишини башорат қилиб қолганди. Балки, шу хусусдаги прогнозлар асосида ҳозир Украинага газ ростдан ҳам биринчи кварталда 450 ўрнига 360 доллардан сотилади, кейин туширилади ва йиллик ўртача нарх 250 доллардан ҳам паст чиқади.
Шундай бўлса, икки тараф ҳам ўз обрўсини ташқи қўринишдан сақлаб қолган бўлади. Яъни, Путин транзит нархини сақлаб қолиш эвазига Украинага сотиладиган газ нархини аввал ўзи айтган 450 дан 360 долларга тушириш йўли билан украинларга марҳамат кўрсатганини айтса, Тимошеко газ нархини аввал Украина айтган даражада сақлаб қолишга эришгани билан мақтанади. Эсалатиб ўтамиз, Украина бир минг куб метр газ сотиб олиш учун 201 доллар таклиф қилганди.
Лекин, кеча ҳам айтганимиздек, русларнинг ҳам Украина ҳам Европани газ билан шантаж қилиш сиёсати тўла мағлубиятга учради. Газ уруши давомида Украина Россиядан кўпроқ Европага яқин бўлиш, яъни евроинтеграция сиёсатидан бир қадам ҳам чекинмади.
18:00 - Индонeзияда янги дипломатимиз иш бошлаши ва бунинг атрофидаги баъзи мулоҳазалар
Жаҳон ахборот ширкати тарқатган хабардан маълум бўлишича, ўтган йилнинг декабрида Индонезиядаги элчимиз этиб тайинланган Шавкат Жамолов куни кеча мамлакат Президенти Сусило Бамбанг Йудхойога ишонч ёрлиғини тоширди. Индонезия Президенти билан мулоқот чоғида икки мамлакат ўртасидаги ўзаро муносабатларнинг ҳозирги аҳволи, истиқболлари муҳокама қилинди.
Бу оддий хабарнинг қизиқ тарафи шундаки, Ўзбекистоннинг элчилари дунёнинг кўп мамлакатларида фаолият олиб боришаётгани оддий воқеага айланиб бормоқда. Ваҳоланки, 1991 йилнинг бошида СССРни янгиланган ҳолда сақлаб қолиш учун референдум ўтказилаётган пайтда, ҳозирги президент Ислом Карим ўзбек демократик мухолифатига ишора қилиб: “баъзилар айтаётандек Ўзбекистонни мустақил давлат қилсак, дунёнинг 200 га яқин мамлакатида элчиликлар очишга пулимиз йўқ-ку”, деган эди. Шундай ибтидоий фикрлайдиган одам Ўзбекистондек давлатни қандай қилиб боши берк кўчага олиб кетаётганини ҳозир кўрлар ҳам кўрмоқда.
Бироз бошқа йўналишда бўлса ҳам, ибтидоийликда Ислом Каримдан қолишмайдиган баъзи одамлар ўзини мухолифат деб юрганини ҳам айтиш керак
Айнан ўша 1991 йил референдуми арафасида “Бирлик” халқ ҳаракати уни бойкот қилишга чақирган. Чунки бу референдум мустақиллик учун курашаётганларни чалғитиш учун қилинаётганини “Бирлик” ўз вақтида тушунганди.
Аммо, Ислом Каримнинг ёрдамида “Бирлик”га қарши тузилган “Эрк” партияси ҳаммани референдумга қатнашиб, янгиланган Иттифоққа қарши овоз беришга чақирган. Бу эси паст 53-54-чилар янгиланган Иттифоққа қарши овоз бериш – СССРни эскича сақлаб қолишга овоз бериш эканлигини тушунишмаган ҳам.
Бу воқеа коммунистчасига “Эрк”ни улуғлаш, унинг раиси, ҳозир 53-54 лақаби билан танилган Салой Малдаминни иккинчи пайғамбар қилиб кўрсатишга интилган Баҳтиёр Исонинг “Эрк йўли” номли китобида бу партиянинг катта муваффақияти сифатида тафсилотлари билан ёритилган. Ҳозир у сатрларни ўқиб Баҳтиёр Исонинг ўзи ҳам уялса керак.
Раҳбарлари шундай ибтидоий фикрлайдиган “Эрк” партияси йўқ бўлиб кетаётгани ғоят табиийдир.
