10 January 2009
04:00 -
20:30 - Обаманинг режаларидан бири – альтернатив энергетикага эътиборни кучайтириш
20:30 - Обаманинг режаларидан бири – альтернатив энергетикага эътиборни кучайтириш
20 январда бўладиган инаугурация маросимидан кейин президентлик курсисига ўтирадиган Барак Обама, ўз ҳукуматининг таркибини аниқлаш билан биргаликда, мамлакатни бошқариш бўйича стратегияларини яратиш билан ҳам машғул. Табиий, ҳозир ҳаммани қизиқтирадиган масала – Обаманинг иқтисодий стратегияси.
Обама ўзининг турли радио ва теле-чиқишларида, жамоатчилик билан учрашувларида иқтисодий стратегиясининг баъзи деталларини очиқламоқда. Масалан, у шу кунларда пойтахт Вашингтон яқинида жойлашган Жорж Мейсон Университетида ҳам бу олий ўқув юртининг домла ва ўқувчилари билан учрашди. Бу Университетда АҚШда яшаётган ўзбек мухолифатчилари – Абдураҳим Пўлат, Муҳаммад Бобир Малик, Жаҳонгир Муҳаммад, Абдуманноб Пўлатнинг ўғил-қизлари ўқишган ва ўқишмоқда.
Обаманинг иқтисодни рағбатлантириш программасига кўра, 2010 йилга қадар 3-4 миллион янги иш жойи яратилади. Булардан 400 минг киши мамлакат инфраструктурасини янгилаш, яъни йўллар, кўприклар, мактаблар қуриш, борларини тузатиш билан машғул бўлади.
Стратегиянинг оргинал жойларидан бири – альтернатив энергетика соҳасида 500 минг иш жойи яратилиши. Гап, биринчи навбатда, нархи ортиб кетаётган нефть ва газни ишлатмасдан энергия ишлаб чиқариш ҳақида кетмоқда. Бундан 1-1,5 йил аввал нефтнинг нархи кескин ошишга бошлаганда, президент Жорж Буш альтернатив энергия соҳасига эътибор кучайтиралиши, хусусан, 2011 йилда альтенатив энергияда ишлайдиган автомобиллар чиқариш бошаланиши ҳақида гапирганди.
Кўринишидан, Барак Обама бу соҳалардаги илмий ва тайёргарчилик ишларни интенсивлаштириш билан чегараланмасдан, уларни кундалик ҳаётга тадбиқ қилиш босқичига ўтказмоқчи. Альтернатив энергетика соҳасида 500 минг иш жойи очиш режаси бу фикрни тасдиқлайди.
