Кеча кечқурун Туркия президенти Абдуллоҳ Гул турмуш ўртоғи Ҳайринисо Гул билан бирликда лавозимидан айрилиши муносабати билан, расмий тил билан айтсак, қабул маросими ўтказибди. Табиий, бу ерга давлатнинг ҳамма расмийлари, улар қаторида, жорийдаги Бош вазир, 2 ҳафтадан кейин президентлик курсисига ўтирадиган Ражаб Эрдўғон ва турмуш ўртоғи Эмина Эрдўғон бор эди. Расмий партия раҳбарлари, парламент депутатлари, элчилар ҳам шу ерда бўлишган.

Бу маросимдан хабар қилишга арзийдиган биттагина нарса бор. Бу ҳам бўлса, кўраётганингиз расм. Биринчи қаторда чапдан ўнгга қараб 4 киши муҳим: Эмина Эрдўғон, Ҳайринисо Гул, Абдуллоҳ Гул, Ражаб Эрдўғон.

Отатурк замонидан бери яқин йилларгача жамоатчилик жойларида ҳижоб билан кўриниш ҳам мумкин эмасди. Исломчиларининг Адолат ва Тараққиёт Партияси ҳокимиятга келгач, қонунларни ўзгартирди, энди ҳижоб билан олий ўқув юртларида ҳам ўқиш мумкин. Буни исломчилар катта ютуқ ҳисолашмоқда. Аммо, ҳижоб билан сочини бекитиб, айни замонда, тишини очиб турган бу аёлларнинг эри Туркияни олға олиб кетадилар деб ўйлаш учун жуда содда бўлиш керак.

Аёллари ҳижоб билан ўралган Туркия лидерлари яқин йилларда Туркияни фақат орқага суриш ҳаракатида бўлишади. Дунёвийчилар таслим бўлса, Туркия Эрон каби ўрта асрларга қайтади. Аммо, буюк эҳтимоллик билан, дунёвичилар жангга киради, ҳатто фуқаролар уруши бўлади, Отатурк яратган буюк Туркия оёқда қолади.

Бу хабарнинг мақсади – Туркиянинг анчагина хавфли реалликларини кўрсатишгина эмас, ўзбекларни, замонавий ўзбек зиёлиларини огоҳлантириш. “Бирлик” атрофида бирлашмасангиз, Ўзбекистон ҳам исломчилар қўлига ўтиб, ўрта асрларга қараб кетади.