14 February 2013
23:29 -
Ўзбекистон Ёзувчилари уюшмаси раиси ишдан олинди, янги раис – собиқ “Бирлик”чи (балки, собиқ эмасдир)
Бугун Ўзбекистон Ёзувчилари уюшмаси раиси Бобур Алимов лавозимидан олинди ва унинг ўрнига Ўзбекистон Халқ ёзувчиси Муҳаммад Али ушшма раиси этиб тайинланди. Бу хабар эртага уюшма аъзолари иштирокида ўтадиган конференцияда эълон қилинади. Аслида нодавлат нотижорат ташкилоти бўлган уюшмада устав бўйича раис ва бошқа маъмурий органлар конференцияда сайланиши лозим.Аммо ҳукуматнинг пропаганда органларидан бирига айланган уюшмада сўнгги марта 1994 йилда Қурултой ўтказилган ва шоир Абдулла Орипов уюшмага раис қилиб сайланган. Абдулла Ориповдан сўнг уюшмага раҳбарлик қилган Бобур Алимов 4 йил ишлади.
Муҳаммад Али Совет замонларидаёқ миллатпарварлиги билан танилган инсон бўлиб, Ўзбекистонда ўзбек тилини давлат тили қилинишида ва Ўзбекистон мустақил бўлишида ҳал қилувчи роль ўйнаган “Бирлик” Халқ Ҳаракатининг фаоли эди.
У қирғиз фашистлари ўзбекларни тириклайин ёққанда жим ўтирган ўзбек миллати миллат сифатини йўқотиб бўлганини тушунадиган одам. Ўзбекистон Қозоғистонга нисбатан қашшоқ, иштонсиз мамлакатга айланганида Ислом Каримнинг жиноят сифатидаги айби борлигини ҳам тушунадиган инсон. Муҳаммад Али шуларни била туриб, мансаб учун жим ўтирадиган бўлса, ахир бир кун миллат олдида жавоб беради.
