14 February 2013
22:35 -
Ўзбекнинг буюк фарзанди Заҳриддин Бобур туғилган куни ундан кечирим сўрашимиз керак
Бугун буюк бобомиз туғилган куннинг 530 йиллиги. Ҳозир “бу буюк инсон менинг миллатдошимдир” деб фахрланмайдиган ўзбек йўқ. Фахрланганда ҳам унинг фақат улуғ буюк шоирлиги билангина эмас, буюк саркарда эканлиги билан ҳам фахрланамиз. Ҳа, у Ҳиндистонда 300 йил ҳаёт сурган империяни ва ҳозирги Ҳиндистон давлатининг пойдеворларини яратган Ўзбек саркардаси ва сиёсатчисидир.Аммо, уни ўзимизда чиқиштирмасдан, чет элга ҳайдаганлар, кейин Амир Темир яратган империяни 100 йил ҳам сақлаб қололмасдан, тиши йўқ, иштонсиз учта хонликка айлантирганлар ҳам ўзбеклардир.
Буларга кўз юмиш иккиюзламачилик бўларди. Миллат олға кетиши учун, аввал эски хатоларидан сабоқ чиқаришга ўрганиши керак.
Биз сабоқ чиқариш нималигини ҳам тушунмайдиган миллат ҳолига келганимиз сабабли, Бобирдан кейин биричи марта миллатни миллат қилиш учун саҳнага чиққан “Бирлик” Халқ Ҳаракатининг орқасидан ичимиздан чиққан хоинлар пичоқ урдилар. Бунга кўз юмдик. Бир ҳовуч қирғиз фашистлари Ўзбекни Ўзбек бўлгани учун тириклайин ёқиб, аёлларимзни тўдалашиб зўрлашганда ва ўзбекларни қирғин қилишганда ҳам қисиб ўтиравердик.
Ўзбекнинг шоири Юсуф Жума Қирғизистон ўзбекларига мурожаат қилиб, шундай сатрлар ёзди:
Кечир, қасос муқаррардир хешим менинг,
Бобуримдан қолиб кетган Ўшим менинг.
Ҳеч, шубҳа йўқ, қасос замони келади. Ўзбек миллати тиз чўкиб, қирғин қилинган миллатдошларидан кечирим сўрайди.
Аммо, Бобурдан ҳам кечирим сўрашимиз керак:
Кечир, бобом, Сиз каби бўлолмадик.
Кўрлик қилиб, бир подага айландик...
Минг афсуски, миллат бўлиб қололмадик,
Сиз бошлаган ишни давом этолмадик.
