27 June 2012
23:26 - “Ҳаракат” хатқутисидан: Ўзбекистон ушлаб берган айби йўқ ўзбек Қирғизистонда 25 йилга қамалди
Салом “Ҳаракат”, мен Новкатдан Аҳмад бўламан! Ёдингизда бўлса, ўтган йили отиб кетилган налогчи Сагинбей Алимовнинг укаси Шаймбей акасининг ўлимида айблаб, Россияда (Якутия) катта бизнес ўрнатган Одилжоннинг уйини аввал талаб, сўнг ёқиб юборган эди!

Бу ишлар тиниб-тинчимай, бизнес сабаб Россиядан Ўзбекистонга келган Одилжонни Ўзбекистон Қиргизистоннинг миллатчи ҳукуматига топширади. Шу кунгача Одилжоннинг Новкатда донги чиққан “Балмуздак” марожнийхонаси, Новкат бозори орқасидаги 4 қаватли ишга туширилмаган магазини ва Новкатнинг катта қурилиш материаллари ва тахта складлари тортиб олинди, Ўш-Новкат йўлидаги молхонаси, 5 гектар ери 50 мол-бузоқлари билан маҳаллий қирғизлар талон-тарож килиниб, қоровул бўлиб юрган икки ўзбек уриб ҳайдалди!

Мана ярим йилдан кўпроқ Ўш турмасида ётган Одилжон 16 июнь куни қилмаган гуноҳи учун 25 йил қамоқ жазосига маҳкум этилди! Бунга нима дейсиз, миллатимиз ва давлатингиз қандай жирканч а? Қумурсқани
бирини босинг, иккинчиси келиб сизни чақади.

“Ҳаракат” таҳририётидан: Агар Ўзбекистон режими ушбу хатда айтилган Одилжонни ростданам Қирғизистонга ушлаб берган бўлса, бу воқеа - Ўзбекистон раҳбариятида миллат хоинлари ўтирганлигининг яна бир исботидир. Қирғизистон жанубидаги қонли воқеаларда ўлганларнинг 75 фоизи ўзек, жазоланганларнинг 90 фоизи ҳам ўзбек эканлигида Ислом Карим режимининг ҳам ҳиссаси борлигини Одилжон воқеаси тасдиқлаб турибди. Ҳа, давлатимиз ҳақиқатдан жирканч.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону