28 March 2012
18:39 - АҚШнинг диний эркинликлар бўйича элчиси Сьюзан Кук Ташқи ишлар вазирлигида нима қилди?
Бугун Сьюзан Кук АҚШнинг Ўзбекистондаги элчиси Жорж Крол билан бирга Ташқи ишлар вазирлигида учрашув ўтказгани ҳақидаги расмий хабарларда умумий гаплардан бошқа ҳеч нарса йўқ. Вазирликнинг пресс-релизида “дин эркинлигини яна ҳам ривожлантиришга қаратилган Ўзбекистон-Америка ҳамкорлигининг келажаги ҳақида батафсил гаплашилди”, дейилади, холос.

Батафсил гап нимадан иборат бўлганини фақат тахмин қилиш мумкин. Маълумки, Ўзбекистон диний эркинлик масаласи бўйича дунёнинг энг ёмон аҳволдаги давлатларидан бири ҳисобланади ва буни ҳар доим америкалик расмийлар ҳам таъкидлаб келишади. Шундай экан, Сьюзан Кук Ташқи ишлар вазирлигида айнан шу хусусда жиддий гаплашган. Акс ҳолда, ўн минглаб километр узоқдан Тошкентга келишнинг қандай маъноси бўлиши мумкин.

Ўзбекистон тарафи учун ёқимсиз бўлган бу мавзу ҳақида ўзбек ахборот воситалари тафсилотли хабар тарқатмаётганларини тушуниш мумкин. Демак, тафсилотли хабар бериш америкаликларнинг мажбуриятидар. АҚШ Давлат Департаменти ёки АҚШнинг Ўзбекистондаги элчихонаси буни қилади, деб умид қиламиз. Акс ҳолда, Сьюзан Кукнинг Тошкентга сафари фойдасиз бўлганини тан олишга тўғри келади.
« Олдинги хабар
Хабарлар рўйхати
Кейинги хабар »

Ким кимдир? Who is Who?Добавить персону