21 January 2012
05:47 -
Собиқ Давлат Котиби Генри Киссинжер Владимир Путин билан нимага учрашди?
Русларнинг Интерфакс агентлигининг хабарига ишонилса, улар бир-бирларини мақташ билан чекланганлар, холос. Генри Киссенжер “Мен Сиздан кўп нарса ўргандим, мамлакатларимиз орсидаги муносабатлар жаҳон миқёсидаги калит ролини ўйнайдиган муносабатлардан биридир”, деган бўлса, Путин қуйидагича лаганбардорлик қилибди: “Мен Сизни энг нозик экспертлардан бири сифатида биламан, жумладан, Россия-АҚШ муносабатларида ҳам”.Табиий, Киссенжердек одам шу каби илтифотлар алмашиш учунгина Россиянинг собиқ ва бўлажак президенти билан учрашиб ўтирмасди.
Тахмин қилиш қийин эмаски, Россия-АҚШ муносабтлари Араб баҳори ва Эрон-Суриядаги воқеалар туфайли критик нуқтага келиб турган бир пайтда, Киссенжер Барака Обаманинг Путинга оғзаки хатини олиб келган. Обама Путинни хотиржам қилишга ҳаракат қилганми, ёки эркакчасига “кекирдагингни чўзаверма” деганми? Буни билиш жуда муҳим. Аммо, бу нарса ҳозир эмас, бироздан кейин маълум бўлиб қолади.
Бизнинг фикрмизча, дейди мухбиримиз, Обама Путинга иложи борича юмшоқ шаклда “кекирдагингни чўзаверма” деган сигнал юборган.
